Bunıñ aqqında Ukrinform bildire. 

“Qırımtatar tilniñ inkişaf ve rağbetleştirüv maqsadınen, zemaneviy raqamiy platformalarnı qullanaraq, Reintegratsıya nazirligi 2022 senesi ögünden qabul etilgen IOS tuşluqlarnıñ cedveline (latin urufatı esasında) qırımtatar tuşluğınıñ qoşuluvına dair milletlerara Apple korporatsıyasınıñ ukrain ofisinen müzakerelerni başladı”, - bildirdiler nazirlikte. 

Daa qayd etkenleri kibi, Ukraina akimiyetinen tayin etilgen latin urufatı esasında qırımtatar tilniñ elifbesine köre, Microsoft korporatsıyasından bar olğan qırımtatar tuşluğınıñ aktualizatsıyasına dair çoq milletli Microsoft Corporation korporatsıyasınıñ ukrain ofisinen müzakerelerni başladılar.

Tafsilâtlıca oquñız: Qırımtatar elifbesi. Latin urufatına yolu

Bundan da ğayrı, Reintegratsıya nazirliginde qayd etkenleri kibi, 2022-2033 senelerge nazirliginen azırlanğan qırımtatar tilniñ inkişaf strategiyası, 40 tedbirden ibaret. 

Tafsilâtlıca oquñız: Reintegratsıya nazirligi qırımtatar tilniñ populârlaştıruv ve inkaşaf strategiyasını işlep çıqara

Ayrıca, strategiya leyhası, akimiyet organlarınen 40 tedbiriniñ salâhiyetine köre kerçekleştirüvini köz ögünde tuta. Tedbirler şular ki: qırımtatar tiliniñ meseleler boyunca Milliy komissiyasınıñ teşkil etüvi; aktual olğan izalı, imlâ, frazeilogiya ve başqa soylarnıñ çoqlaştıruvı ile luğat bazasınıñ mükemmelleştirüvi; halqara tehnologik, tasil ve kommunikatsıya platformalarında qırımtatar tilniñ bulunuvınıñ kenişlevi.

Belli olğanı

• 2021 senesi ilk küz aynıñ 22 Ukraina Nazirler Kabineti, latin urufatı esasında qırımtatar elifbesini tasdıq etken qararını qabul etken. Böyleliknen, qırımtatar halqnıñ Meclisinen kelişilgen Ukrainanıñ vaqtınca işğal etilgen territoriyalarnıñ reintegratsıya meseleler boyunca nazirliginiñ teklifini qabul etti. Tasdıq etilgen elifbesi, 31 ariften ibaret. O, 1991-1993 senelerdeki Qırımtatar halqnıñ Qurultayınıñ qararlarında esaslana.
• 2021 senedi mayıs ayında Apple kompaniyası, çoq sayılı muracaatlardan soñ qırımtatar tilini AppStore ilâvesi içün öz ameliyat sistemalarnıñ yañartuvında qırımtatar tiline destek bildirdi. O vaqıt ilâvelerniñ işlep çıqarıcısı Andrey Alekseyev haber etkeni kibi, faal Elzara Abduramanovanen 2017 senesi Apple’ge muracaatlar kampaniyasını başladılar ve endi öz ilâvelerni qırımtatarca tercime etebileler. 

Bizni Telegram’da oquñız