Bunıñ aqqında Ukraina deputatı Rustem Umerov, Anqarada “İşğal etilgen Qırımda insan aqları ve qırımtatarlar” konferentsıyasında tarif etti, bildire QIRIM.News.

Umerovnıñ sözlerine köre, Rusiye, Qırımda qırımtatarlarnıñ tecavuziy olmağan tirenüvini toqtatmaq içün er şeyni yapa: qorquta, işkencelerge oğrata, Ukrainağa qarşı kütleviy malümat gibrid cenkini keçire.

“2021 senesi orta küz ayında işğal etilgen Qırımda üç tintüv, 74 tutıp aluvı ve 16 tevqifi qayd etilgen. Daa faaller içün cöremelerniñ 40  ve adliye nazirligine aq bozuluvlarnıñ 47 vaqiası qayd etilgen. Er raqamı ve statistikasınıñ artında insan ve aileniñ ikâyesi bar”, - dedi Umerov.

Halq deputatı, em Ukrainada em halqara arenasında insanlar cenkten, ölümlerden ve yaman haberlerden bezgenleri aqqında da tarif etti. Ukrainadak er beşinci insan, onıñ sözlerine köre, Qırım mevzusınen meraqlanmay. Meraqlı olğanlarından tek 15%, yarımadada insan aqlarnıñ bozuluv mevzusınen meraqlana.

Tafsilâtlıca oquñız: Qirimda insan aqlar bozuvlarniñ butün spektri qayd etile - BHT vekili

Rustem Umerov, işğalcılarnıñ yeñmesi içün arbiy cebesini kibi malümat soyunı da pekitmege çağırğan.

“Böylece, halqara tedbirler, bugünki kününe qadar - aletlerden biri olalar. Umumiy konferentsıyalarnı, teleköpürlerni keçirmek kerek. Rusiye ve daimiy basqılar malümat kün tertibinde qalsıñlar dep. Qırım tatarlar Qırım degen öz Vatanını terk etmeyceklerini ve Qırımnıñ vaqtınca işğalini qabul etmeyceklerini yahşı bilem. Buna köre, diplomatik ve malümat cebelerinde tacavuziy olmağan küreşini devam etmek kerek”, - yekün çekti halq deputatı.

“İşğal etilgen Qırımda insan aqları ve qırımtatarlar” konferentsıyası vaqtında Türkiyede Ukraina elçisi Vasıl Bodnar ilân etkeni kibi, Erdoğannen teklif etilgen aracılıq teşübbesi, RF’nen davasınıñ barışıqlıq yolunen çezilmesine yöneliş tuta.

Belli olğanı 

• Turkiye prezidenti Recep Tayip Erdogan aytqanina köre, rus ordularñin ukrain sinirñin yanında faaliyeti çerçivesinde Ukrainağa ve Rusiyege aracılıq yapmağa azir dep aytti. Işbirlik formati çeşit türlü ola bile.
• Qırımda işğalcılar talebelerden ibaret olğan “yaşlar berleşmelerni” teşkil eteler. Olar yasaq etilgen kontentnen oğraşalar. Qırımlılar öz memnüniyetsizligini bildirgen ya da “ekstremist malümatlarnı” yanıdan basılğan yazılarnı qıdıralar.
• BHT General asambleyası vaqitace işğal etilgen Qirımñin, Qara ve Azaq deñizler qiısımlarñin askerleşüvi aqqinda rezolütsiya leyhasina imdat bildirtti.
• Jurnalistlerniñ avropalı federatsıyası, Qırımda işğalcılarnen farqlı tarzda tutılğan 10 jurnalistniñ deral azat etilmesine çağırğan.

Bizni Telegram’da oquñız