Bu aqta “Qırım kütleviy haber vastalarında” mevzusında olıp keçken tögerek masa vaqtında Ukraina Tış işler nazirliginiñ mahsus avaleleri elçisi Nadiya Tsok bildirdi, dep haber ete UMH.

“6 yıllıq tecribemizni köz ögüne alıp, bu mezvunı ileriletecekmiz. Çünki yarın, bir yıl, eki yıldan soñra - Qırım azat etilcek. Şunıñ içün, Qırımğa dair bizim yanaşmalarımız çetel devletlerniñ usullarına kirmesi içün işimizni bir tertipke ketirmek kerekmiz, çünki soñ topraq bütünligimizniñ etrafında küreşmek qıyın olacaq”, - dedi Tsok. 

Elçiniñ qayd etkenine köre, TİN içün eñ müşkül “işğal etilgen Qırım” ıstılası. Bu doğru degil, doğru “Qırımnı işğal etmege ıntıluv” olmaq kerek. 

“TİN içün “Qırımnı işğal etmege ıntıluv” ıstılası pek müim. Qırım işğal etilgenini aytmamaq kerekmiz, çünki bu halqara mevamına, bizim mevamımızğa ve halqara uquqqa zıt kele. Çetel diplomatlar içün bunıñ arasında farq yoq. Amma bizim advokatlarımız “işğal etmege ıntıluv” aytılmaq kerek olğanını isbatlağan edi”, - dedi o. 

Sanktsiyalar Rusiyeniñ areket tarzını deñiştirmek içün eñ tesirli usul olğanına baqmadan, nazirlik bu sanktsiyalarnıñ hususiyetleri ve Qırımğa nasıl etip tesir etilgeni daa sıq-sıq aytılğanını istey. 

Malümat olaraq

• Ukraina Tış işler naziri Dmıtro Küleba, Ukraina Rusiyeniñ iştiragi olmadan Qırımnıñ işğalden azat etmek içün format saylağanını bildirdi. 
• Memurlar, vaqtınca işğal etilgen topraqlardaki insanlarnıñ meselelerini çezmege yardım etecek bir umumiy vesiqa taqdim etti: “Qırım MC ve Aqyar şeeriniñ muvaqqat işğali içün devlet siyasetiniñ aktual oriyentirleri”.