Onıñ bildirgenine köre, Strategiya kelecek sene içün para ayırmaq masadınen er bir nazirlik içün bir plan kibi olmalı. Bundan ğayrı, Qırımtatar tiliniñ inkişafı meselelerinden Milliy agentsiya teşkil etilecek. 

"Bu, Ukraina Nazirler kabineti seviyesinde qırımtatar tiliniñ latin elifbesiniñ tasdıqlanuvı. Bu Qırımtatar halqı Qurultayı tarafından qabul etilgen elifbenen bir kele. <…> Kelecek seneden başlap qırımtatar tilinden kitaplar latin elifbesine keçirilip başlanacaq", - dedi o. 

Malümat olaraq

• Ukraina nazirler kabineti Qırımtatar tiliniñ inkişafı kontseptsiyasını qabul etti.  Kontseptsiya çerçivesinde bir sıra tedbirler Ukraina tamır halqlarından biriniñ tili olaraq sayılğan qırımtatar tiliniñ işlemesi içün qanun çıqarıcı, institutsional, maliyeviy, malümat ve diger destekler yapılacaq.