Muvafıq qarar çiçek ayınıñ 7-nde ükümetniñ oturışında qabul etildi.

Reintegratsiya nazirligi Milliy Meclis, İlmler Milliy akademiyası ve digerlerinen beraberlikte bu seneniñ arman ayınace Qırımtatar tiliniñ inkişaf strategiyasınıñ azırlamaq kerek. 

Reintegratsiya naziri, bunı buyurıqnıñ teşebbüsçisi Öleksiy Reznikov qayd etti ki, kontseptsiya pek yaramay alda olğan qırımtatar tiliniñ 10 yıl devamında inkişaf etmesini belgiley. 

"Rusiye tarafından Qırım ve Aqyarnıñ işğal etilmesi bu meselelerni tek fenalaştırdı. Tilni qurtarmaq kerek. Qırımtatar tili Ukraina içük büyük imkânlar bere. Qırımtatar tili unikal bir tildir, ortaqlarımıznen bir tilde laf etmek içün fırsat peyda ola, bu em Ankara, em Baku", - dedi o. 

Baqıñız: Qırımtatar tiliniñ inkişaf kontseptsiyası Eksender Bariyev Kün mevzusı

Onıñ sözlerine köre, kontseptsiyanıñ yanaşması tilniñ nesilden-nesilge keçmesini temin etir, qırımtatarlarğa öz aqlarını amelge keçirmege yardım eter, qırımtatar tiliniñ latin elifbesine keçmesini pekitir. 

"Ukrainler arasında pek büyük meraq bar olğanını köremiz. Amma kitaplar, luğtlar, onlayn-kurslar ve daa çoq şey kerek. Bunı köz ögünde tutamız", - aytap berdi o. 

Evel Ukraina reintegratsiya nazirligi Google LLC korporatsiyasına muracaat etip, qırımtatar tilini Google Translate servisine kirsetmege rica etti. Nazirlik Duolingo şirketi – çetel tillerini ögrenüv platformasına muracaat etip, olarnıñ servisi esasında qırımtatar tili kursını başlatmağa teklif etti.

Ukraina baş naziri Denis Şmıgal oturış vaqtında qayd etti ki, qırımtatar tiliniñ inkişafı Qırımnıñ işğalden azat etüv strategiyasınıñ müim bir qısmıdır. Onıñ sözlerine köre, kontseptsiya işğal şaraitinde tamır halqnıñ tilininiñ saqlap qalmasını közde tuta. 

Tilniñ inkişafı, sadece vatandaşlarnen munasebetlerniñ pekitilivi degil, bu ortaqlarımızğa ükümet strategiyanı körgenini ve amelge keçirgenini bildire. 

Keçirilgen monitoringniñ ve neticelilik kriteriylerine köre, qırımtatar tiliniñ inkişafını qıymetlendirmek içün esas kriteriyler bulardır:  

•  til taşıyıcılarnıñ sayısı, şu cümleden qırımtatar tilinde oquğan talebeler sayısı 
•  til bilgenlerniñ sayısı, şu cümleden til kurslarına qatnağan ve oquv yurtlarından muvafıq zenaatlarda oquğanlar 
•  basılğan ve audio materiallarnıñ, internetteki metinlerniñ  miqdarı
•  Qırımtatar tilinde qırımtatar ikâyeleriniñ asıl nushaları

Malümat olaraq

• Reintegratsiya nazirligi qırımtatar tiliniñ inkişaf kontseptsiyasınıñ leyhasını yayınladı.