Bu aqta arlıq ayınıñ 30-nda jurnalistniñ imayecisi Server Çolakçıq "Qırım birdemligi"ne aytıp berdi. 

Polis hadimleri Temeryanovğa qarşı RF Memuriy uquq bozma qanunamesiniñ 20.2.2. maddesine binaen memuriy protokol tizgen edi. 

"Bu adam işğal etilgen Qırımda yüz bergen vaqialarnı aydınlata, bütün halq olarnı közete. Halqımız arasında Vilen kibi adamlar çoq ve böyle basqı olarnı  toqtatmaz, aksine olıp keçken vaqıalarnı aydınlatacaq yañı adamlarnıñ peyda olmasına sebep olacaq. Mahkeme doğru qarar çıqardı - cinayet terkibiniñ olmaması sebeinden cemaat jurnalisti Vilen Temeryanovnıñ davasını qapatıldı", - dedi Çolakçıq. 

İşğalci polis 10 kün devamında qararnı temyiz ete bile. 

"Dava materialları ögrenilgende memuriy protokolnı tizgen adamlar müşterim  bir mitingniñ teşkilâtçısı olğanını köstermege tırışqanı belli oldı, amma kerçekten böyle bir şey yoq edi. Şunıñ içün dava materiallarında ne biz, ne de mahkemeci qanun bozuvnı körmedi", - dedi o. 

Malümat olaraq

• Aralıq ayınıñ 28-nde saba Canköy rayonınıñ Frayleben köyünde işğalciler cemaat jurnalisti Vilen Temeryanovnı mecburen maşinağa oturtıp polis bölügine alıp kettiler.  
• Polis Qırım MC prokuraturası ile beraberlikte yarımadada cemaat jurnalistiniñ yaqalanuvı ile bağlı cinayet davasını açtı 
• Advokat Emil Kürbedinovnıñ bildirgenine köre, Tmeryanovnıñ davası boyunca mahkeme oturışı dekabrniñ 30-nda saba saat 10 olacaq.
•  İşğal etilgen Qırımda siyasiy mabüslerge üküm çıqarılğan “mahkeme” yanında “polis” qırımtatarlarnı yaqaladı. 
•  Advokatlarnı yibermegenler.