Qurman “Hizb ut-Tahrir davası”: ükümler belli oldı
10:27, 03 Qasımay
Foto menbası: Кримська солідарність
Qasım ayınıñ 3-nde Rostov-na-Donudaki Cenübiy bölge arbiy mahkemesi Qurman “Hizb ut-Tahrir davası”nıñ üç mabüsine üküm çıqardı.
Bu aqta “Gratı” mühbiri haber etti.
Mahkeme eyyeti qırımtatarlarnı qabaatlı tanıdı.
- Rustem Emiruseinov 17 yıl apis cezasına mahküm etildi, birinci 2 yıl apishanede, qalğan müddetni - sert rejim cezahanesinde çekecek;
- Arsen Abhairov içün 13 yıl;
- Eskender Abdulganiyev 16 yıl.
Mahkeme oturışında qırımtatarlarnıñ üstünde “1944 - hainler oldıq”, “2026 - terrorcılar oldıq” ve “Din ögrenüvi - terrorcılıq DEGİL” yazınen futbolkalar edi.
Malümat olaraq
- Qırımtatarlar 2019 senesi kiçik ayda tevqif etilgen ediler.
- İmaye tarafı ve mahkemelengenler esnasqa uydurılğan deyler. Qabaatlav, telefon diñlemelerniñ materiallarına, gizli şaatlarnıñ aytqanlarına ve mabüslerniñ evlerinde tampılğan kitaplarğa esaslana.
- Qasım ayınıñ 3-nde saat 12:00 Suspilne Qırımnıñ mahsus leyhası başlanacaq - 15-18 yıl apis cezasına mahküm etile bilecek Qurman “Hizb ut-Tahrir davası” mabüsleriniñ destegine marafon.