Rusiye istinaf makemesi, yürek hastalığınen siyasiy mabusı Eyupovnıñ ükümini ameldeki qaldırğan

Любезна Катерина
·
15:44, 25 Quralay
Rusiye istinaf makemesi, yürek hastalığınen siyasiy mabusı Eyupovnıñ ükümini ameldeki qaldırğan
Foto menbası: crimean-solidarity.org

Vlasihadaki arbiy istinaf makemesi, “Hizb ut-Tahrir davasında” Qarasuvbazar taqımınıñ 60 yaşında olğan yürek hastalığınen figurantı Azamat Eyupovnıñ ükümine istinaf şikâyetini red etip onı amelde qaldırğan. Keçken yıl onı  qattı nizamlı koloniyasında 17 yılğa azatlıqtan marum etkenler. 

Bunı “Qırım birdemligi” bildire

“Tam başından beri FTH, Azamat ağanıñ sesinen eken olğan ses qayd etilmesini taqdim etken, amma o yalan edi ve ilk basamağındaki makemesinde imaye tarafı, FTH bu versiyasına dair şübeler bar olğanını isbatlağan. Em de, biz intervyüni taqdim ettik, bu ses qayd etilmelerinde Eyupovnıñ degil, onıñ sesi yazılğanını ve bu toplaşuvlarda da Eyupov degil, o bulunğanını iddia etken başqa ülkeniñ vatandaşınıñ şaitligini kösterdik, men ise - oña inanam. Bundan da ğayrı, fonografik teşkerüvini keçirip onı eki ekspertine yolladıq. Fonograf olğan eksperlerniñ ekisi de FTH yapılğan yazısında Eyupovnıñ degil, bu qayd etilmelerinde öz bulunuvını qabul etken başqa insannıñ sesi olğanını tasdıq etti”, - bildirdi advokat Emil Kürbedinov oturıştan soñ. 

Qırımtatarınıñ qoruyıcısınıñ sözlerine köre, işğalcılar onı qırım siyasiy mabuslarnıñ imayesine numayışlar ve tedbirlerde iştirağından soñ taqip etmege başlağanlar.  

“Bu insanlarnı olarnıñ faalligi, uquqqoruyıcılıq faaliyeti, din, Qırım ve Rusiyede siyasiy vaziyetine dair olarnıñ mevamı içün taqip eteler”, - qayd etti advokat. 

Bundan da ğayrı, Eyupovnı istinaf oturışına azırlanması içün dava malümatlarnen tanışuv aqqından marum ettiler. Keçken yılnıñ ilk qış ayında imaye tarafı, dava malümatlarnen tanışuvı içün arizasını alıp bergen, amma Vlasihadaki arbiy istinaf makemesiniñ makemecisi, bu davanıñ malümatlarında vesiqanı tapmağan. 

Qayd etmek kerek ki, tevqiften evel 60 yaşında olğan erkek, infarkt ya da insultqa alıp ketirebilecek yürekniñ aterosklerotik hstalığınen ekimniñ esabatında bulunmaqta edi. 

Cezahanede tibbiy yardımı ve keyfiyetli ilâclarnıñ yoq oluvı sebebinden hastanıñ alı kerginleşken. Onıñ kameradaşı, Eyupov öz başına yürip olamağanı sebebinden onı taqiqat tevqifhanesinde arqada taşığanını tarif etken edi. Feldşer, oña östeohondroznı tayin etip az olğan tedaviylemesinen kamerağa qaytarğan.

Keççe onıñ aileniñ paraları ile şahsiy hastanede teşkerüv keçirilgen edi. Anda ise - taqiqat tevqifhanesinde onıñ dört işemik insultı olğanını qabul ettiler, daa siyasiy mabus, kritik alda bulunıp hastanege acele yatqızdıruvında muhtac olğanını da qabul ettiler. 

Belli olğanı

  • 2021 senesi uvut aynıñ 17 Azamat Eyupovnı Qarasuvbazarda tintüvlerden soñ tutıp aldılar. Aynı künü yaş erkeginen beraber yedi qırımtatarı da tutıp alınğan. 
  • 2022 senesi oraq aynıñ 19 siyasiy mabusnı RF CK 205.5 m. 1 q. boyunca (terroristik faaliyetiniñ teşkil etilmesi) qattı nizamlı koloniyasında 17 yılğa azatlıqtan marum ettiler. Onı Rusiyede terroristik kibi tanılğan, amma Ukrainada ve dünyanıñ başqa ülkelerinde qanuniy tarzda sıñırlamasız areket etken “Hizb ut-Tahrir” islam siyasiy fırqasına aitliginde qabaatladılar. 

Bizni Telegram'da oquñız