Bunıñ aqqında Aziz Ümerov Facebook’ta yazğan. 

“Büyük miqyaslı ücüminiñ ilk künlerde çetelge çıqqan insan, birevge “Kiyev vilâyetinde vazifelerni eda etken rusiye arbiyleriniñ yyerleştirilüvi ve vazifelerini” nasıl alıp berebilgenini birev añlatıp olurmı? Qız qardaşıma qarşı “casuslıq aqqında davasınıñ” sahtelüvine beş buçuq ay kerek olğan. Episi bu, qırımtatarlar rusiye içün “oñaytsız” olğanlarına köre: pasportlarnı almaylar, işğalnı tanımaylar”, - yazdı Ümerov. 

Leniyege qabaatlavlarnı daa mayıs aynıñ 12 alıp çıqarğanlar, amma sahte tutıp aluvınen videosını tek bugün yayınladılar. 

İşğalcılar qayd etkenleri kibi, tutıp alınğan Ukraina vatandaşı, ukrain arbiylerine yardım etip olarğa “Şarq” arbiylerniñ zümrelerniñ mevzileri ve obyektleri aqqında bildire edi eken. 

“Operativ tahqiqat tedbirlerniñ keçirilüvi vaqtında 25 yaşında olğan Ukraina vatandaşınıñ casuslıq faaliyeti belli etilip toqtatılğan. Ecnebiy mahsus hızmetlerniñ vakifelerine köre, şübelengen, RF SQ obyektler, arbiy tehnikası ve cenkâver mevzilerine dair malümatnı alıp bere edi”, - denile beyanatta. 

Belli olğanı

• 2022 senesi ilk qış ayından beri RF akimiyeti, 25 yaşında olğan qırımtatarı Leniye Ümerovanı qanunsız tarzdı tuta, onıñ adına endi bir qaç memuriy protokolını tizdiler. İlk sefer sanki dersin vesiqalarnı bermey edi, soñra telefonnı, başqa ekisini “maşnadan çıqmayıp isyanlıq bildirgeni” içün eken. 
• Suspilne Qırım, Leniyeniñ ağası Aziz Ümerovnen muzakere etken. O, ukrain pasportnıñ bar oluvı ve rusiye soyundan red etüvi içün RF’nen mahküm etilgen qız qardaşınıñ ikâyesini tarif etken.
• Qırım uquq qoruyıcı gruppasınıñ başı Ölga Skripnik, RF territoriyasında cezahanesinde qırımtatarı Leniye Ümerovanıñ bulunuv müddetlerniñ daimiy uzatılması içün esaslarnı aytqan. Daa uquq qoruyıcı, qıznı işğalcılardan serbset etip evge qaytarabilgen yollarını aytqan. 
• Moskvadaki Lefkortovo rayon makemesi, rusiyelilernen Şimaliy Osetiyada 5 ay devamında apishanede tutulğan qıırmtatarı Leniye Umerovanı tevqif etken.

Bizni Telegram'da oquñız