QMC prokuraturası, kene de 15 künge tevqif etilgen Ümerovanıñ tutıp aluvını tetqiq etmege fırsatı olmağanını sebebini añlatqan
Qırım Muhtar Cumhuriyeti ve Aqyarnıñ prokuraturası, rusiyelilernen qırımtatarı Leniye Ümerovanıñ tutıp aluvını tetqiq etip olamay, çünki cinayet, vaqtınca işğal etilgen Qırımda olmağan. Çiçek aynıñ 27 Ümerovanıñ nevbetteki tevqifi soñuna yete ve ana-babalar onı serbestlikte körmege ümüt etken ediler, amma rusiyeliler onı kene de uydurılğan sebeplerine köre 15 künge tevqif etkenler.
Bunıñ aqqında muhtariyetteki prokuraturasınıñ matbuat hızmeti, “Qırım.Aqiqatı”nıñ tefsirinde tarif etti.
“Bu tutıp aluvı aqqında bilip malümatnı közetemiz, amma bu vaziyette cinaiy davasını resmiyleştirmege fırsatımız yoq, cinayetniñ yapılğan yeri - Qırım degil. Afsus ki, qanunlar böyle”, - denile beyanatta.
Daa idareniñ matbuat hızmetinde qayd etkenleri kibi, aynı vaqiasını Ukraina Baş prokurornıñ ofisi de nezaret ete, amma Ofiste qırımlınıñ alıp tutuvı aqqında davasını resmiyleştirgenlermi muayyen malümatı yoq.
“Bu vaziyette siyasiy mehanizmler daa semereli olacaqlar, ayrıca Ombudsmen ofisi ya da vaqtınca işğal etilgen territoriyalarnıñ reintegratsiya nazirliginiñ işi. Belki de, olarnıñ basqısı mında daa elverişli olur”, - qayd ettiler prokuraturada.
Tafsilâtlıca oquñız: Rusiyede dört aydan ziyade memuriy tevqifler dep qırımtatar qadınnı tutalar
Aynı zamanda advokat Marina Dubrovina “Gratı”larğa ilân etkeni kibi, işğalcılar qırımtatarğa miliske isyanlığı aqqında memuriy protokolnı tizip 15 künge tevqif etkenler. O, hızmet maşnasından çıqmağa red etken eken. Makemede Ümerovağa qarşı protokolnı tizgen milis mayorı Zagalov şikâyet etken edi.
“Onı yarın qarşılap ava limanğa refaqat etmege ümüt besley edik. nefes alıp oturğan edik, amma bugün kene de protokol ve kene de 15 kün”, - dedi o.
Öz nevbette, Ümerova, makeme zalında maşnadan çıqmağa istemegenini red etken edi, advokat Ciguli Satsayeva ise - bundan evel olğan tevqiflerniñ episi qanunsız olğanında israr etken edi. Amma o neticesiz olğan, çünki Vladikavkazdaki Sovet rayon makemesiniñ makemecisi Lali Valiyeva qırımtatarını kene de 15 künge mahküm etken, tevqif vaqıtnı çiçk aynıñ 27 saat 23:30’tan tayin etken, yani Ümerovanıñ evelki tevqifi bitmek kerek olğanda.
Belli olğanı
- 2022 senesi ilk qış ayından beri RF akimiyeti, 25 yaşında olğan qırımtatarı Leniye Ümerovanı qanunsız tarzdı tuta, onıñ adına endi bir qaç memuriy protokolını tizdiler. İlk sefer sanki dersin vesiqalarnı berey edi, soñra telefonnı, başqa ekisini “maşnadan çıqmayıp isyanlıq bildirgeni” içün eken.
- Suspilne Qırım, Leniyeniñ ağası Aziz Ümerovnen muzakere etken. O, ukrain pasportnıñ bar oluvı ve rusiye soyundan red etüvi içün RF’nen mahküm etilgen qız qardaşınıñ ikâyesini tarif etken.
Bizni Telegram'da oquñız
