Eñ qara gece tañdan evel ola ve küneşimizniñ doğuvı, ukrain Qırımda olğanını isteymiz - “Sarı şeritniñ” koordinatorı
“Sarı şerit” cemaat tirenüviniñ qırım areketiniñ koordinatorı, işğalcılar ne qadar isteseler de, faaller toqtamazlar dep bildirdi. Aksine, tirenüv areketi kün-künden daa küçlü ola.
Bunıñ aqqında o Telegram’da bildirgen.
“Uç şeyniñ bilgeniñizni isteymiz. İlk soyu - iç bir vaqıt toqtamamız. Ekincisi - kün-künden daa küçlü olamız. Üçüncisi - eñ büyük qaranlığı, tañdan evel ola ve küneşimizniñ, ukrain Qırımda doğğanını isteymiz”, - qayd etti areket koordinatorı.
Tafsilâtlıca oquñız: “Sarı Şerit”, işğal etilgen territoriyalarda rublelernen bağlı yañı fleşmobnı başlatqan
Onıñ sözlerine köre, işğalcılar bazarlarda ve ayrı tükânlarda sarı ve mavı boyalarnı satmağa yasaq etmege devam eteler. Buna baqmadan, faallerniñ yedekleri daa bar.
Aynı zamanda Aqmescit, Aqyar, Aluşta ve Suvdağda areket faalleri 280 ziyade levhası ve sarı şeritni paylaşqanlar. Daa tirenüv areketi, Yaltadaki Küneş yolunda öz izini qaldırğan.
Tafsilâtlıca oquñız: Qırımda ukrain tirenüvini toqtatmazlar: bir afta içinde “Sarı şerit” areketiniñ fallerine 80 ziyade insan qatnağan
Menba: t.me/yellowribbon_ua
Belli olğanı
- Salı künü, saban aynıñ 28 “Sarı şeriti” cemiyet tirenüviniñ areketi, Brükselde Avropa parlamentinde areket faallerinen birdemlik tedbirini keçirgen. Avropa deputatları ve diplomatları işğalge tirenüvini köstermek maqsadınen sarı şeritlerniñ resimlrni çızğan ediler.
- “Sarı şerit” grajdan tirenüvi areketiniñ faalleri Avropa parlamentteki deputatalarğa Kiyevden Aqmescitke trenine biletlerni bahşış etip yarımadada tirenüvini yapqan ve oña qol tutqanlardan mektüplerni alıp bergenler. .
- Vaqtınca işğal etilgen Qırımda “Sarı şerit”i cemaat tirenüvi areketiniñ faalleri, rusiye işğalcılarına yaqın vaqıtta yarımadanıñ Ukraina nezaretine qaytaruvı aqqında muntazam sürette hatırlatmağa devam eteler. Bu sefer ukrain tarafdarlığını köstergen risaleler, grafiti ve şeritler Gvardeyskoye, Aqyar ve Kefede peyda oldılar.
- Soñki afta içinde “Sarı şerit” areketi, işğal etilgen Qırımda rağbet qazanğan. Aqyarda, Yaltada ve Aqmescitte “Ukrainanıñ bir yüregi” fleşmobınıñ yürek yarıları, şeritler ve kartalar körülgen edi.
Bizni Telegram’da oquñız