Bunıñ aqqında o, “RBK-Ukraina”nıñ intervyüsinde tarif etken. 

“Deokupatsiyasından soñ arbiy memuriyeti olacağında baqışımız bar. Soñra ise, arbiy-cemaat memuriyetlerine keçüvi olacaq. Böyle keçüvniñ, olması mümkünmi añlamağa fırsat bergen qıymet kesecegimiz talaplarnıñ işlep çıqarılması üzerinde çalışamız. Beş ya da on yıl soñra şübesiz saylavlarnı keçirecegimiz dep ayrı çerçivesini qoymaymız”, - haber etti Taşeva. 

Tafsilâtlıca oquñız: Qırımnıñ yañartılğan strategiyası, yazda qabul etilecek - Taşeva

Qırım MC’de Ukraina prezidentiniñ daimiy vekili qayd etkeni kibi, bu meseleniñ baquvı vaqtında böyle qısqa müddet içinde yarımadanıñ sakinlerinde “propagandasınıñ alâ daa bar olması mümkün” olğanını da esapqa alalar. 

“Bu vaqıt devamında fikir etüv seviyesinde deokupatsiya keçmese? Progpaganda, insanlarnı daa terk etmegenini añlasaq? Anda kimni seçip alacaqlarını añlaymızmı? O, esas standartlarıdar - serbest media, telükesizlik, propagandalı alâmetlerniñ bozuluvı ve başqası”, - qayd etti o. 

Tafsilâtlıca oquñız: Serbest etilgen Qırımdan rusiyelilerniñ sürgün etüvi, halqara aqnıñ qaidelerine köre olunmaq kerek - Bariyev

Belli olğanı

• 2023 senesi qara qış ayında Qırım MC’de prezidentniñ daimiy vekili Tamila Taşeva, rusiyelilerden azat etilgen yarımadanıñ ğayrıdan tikleviniñ yañartılğan strategiyası, qırım sakinleri arasında işğalge tirenüv çeşitleri ve qararnen 9 yıl içinde duşmanğa çalışmağa mecbur olğanlar satqın kibi sayılırmı aqqında tarif etti. 
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır. 
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler. 

Bizni Telegram’da oquñız