Bunıñ aqqında Medeniyet ve malümat siyasetiniñ nazirligi bildire. 

“Dersniñ maqsadı - vaqtınca işğal etilgen Qırım MC ve Aqyar ş. territoriyalarına dair devlet siyaseti, yarımadada olayatqan vaqialar ve ceryanlar ve yarımadanıñ deokupatsiyasına dair devlet siyaseti ve bu territoriyalardaki vatandaşlarnıñ reintegratsiyasınen iştirakçılarnıñ tanıştıruvıdır”, - denile beyanatta. 

Qayd etilgeni kibi, dersler çerçivelerinde devlet hızmetçiler, yerli öz idare etüv organlarınıñ hadimleri tamır halqlar ve ukrainlerniñ inkişaf etüv ceyetinde Qırım yarımadasınıñ tarihı aqqında malümatınen tanış olabileler. Daa esas vaqialar ve Qırım ve onıñ ealisi içün vaqtınca işğaliniñ aqibetleri, bundan da ğayrı, esas normativ-uquqiy aktlar, terminologiya ve vaqtınca işğalinen bağlı olğan ayrı müim meselelerine dair Ukrainanıñ mevamı aqqında haberdar olırlar.

Tafsilâtlıca oquñız: Qırımda ukrain devletini tamırdan yañıdan tiklemek kerek - Vereşçuk

Onlayn dersi, kiriş videosı, qırımtatarca astâzılarınen ukrain tilinde 10 dersinden ve ingiliz tilinde ekspertlerniñ tefsirlerinen ilâve dersinden ibaret. Video lektsiyalarnı müddeti - qararnen 10 daqqasıdır. 

Resmiyleştirüv atıf boyunca.

Belli olğanı

• Qırımnıñ deokupatsıyasından soñ yarımadadaki bütün devlet organlarında çalışuvı içün biñlerce hazmetçisini azırlamaq kerek olacaq. Yedekniñ muvafaqiyetli ıslâatı, Qırımnıñ müddetli işğaliniñ bütün hususiyetlerniñ diqqatqa aluvınen Ukrainanıñ devlet akimiyetteki organlarınıñ territorial strukturalı bölgelerniñ işini yañıdan tiklemege yardım eter. Bunıñ içün Ukrainada eki magistr programmasını teşkil ettiler. 
• 2023 senesi qara qış ayında Qırım MC’de prezidentniñ daimiy vekili Tamila Taşeva, rusiyelilerden azat etilgen yarımadanıñ ğayrıdan tikleviniñ yañartılğan strategiyası, qırım sakinleri arasında işğalge tirenüv çeşitleri ve qararnen 9 yıl içinde duşmanğa çalışmağa mecbur olğanlar satqın kibi sayılırmı aqqında tarif etti. 
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır. 

Bizni Telegram'da oquñız