Tamila Taşeva, deokupatsiyasından soñ Qırımdan çıqmaycaq olğan rusiyelilernen ne yapmaq kerek olğanını tarif etken
Qırım Muhtar Cumhuriyetinde Ukraina prezidentiniñ daimiy vekili Tamila Taşeva, Qırım yarımadasınıñ deokupatsiyasından soñ onı terk etmeycek olğan Rusiye Federatsiyasınıñ vatandaşlarınen ne yapmaq kerek olğanını tarif etken.
Bunıñ aqqında o “Serbestlik.Saba” programasınıñ yayısında bildirdi.
Taşeva ilân etkeni kibi, rusiyeliler vaqtınca işğal etilgen Qırımdan daa keçken yıl Novofödorovkadaki ilk patlavlardan soñ çıqıp ketmek kerek ediler.
Tafsilâtlıca oquñız: Qırımğa dair MTMŞ vesiqası - yarımadanıñ deokupatsıyası strategiyasınıñ elementidir - Çistikov
Taşeva añlatqanı kibi, tecavuzcı ülkesiniñ vatandaşları aqiqaten vaqtınca işğal etilgen yarımadasında kolonizatsiyasınıñ arbiy cinayetiniñ iştirakçıları olalar, buna köre, andan çıqıp ketmek kerekler. Yoqsa, Rusiye Federatsiyasınıñ vatandaşlarnı Qırımdan mecburen sürgün eterler, çünki olar Ukrainanıñ devlet sıñırını qanunsız tarzda keçkenler.
Tafsilâtlıca oquñız: Danilov, Qırımnıñ deokupatsiyasınıñ 12 adımını yayınlağan
Prezidentniñ daimiy vekili qayd etkeni kibi, bu meselede Ukrainanıñ muayen mevamı bar, bu sebepten QMC’den kerek olğan vaqıtta “evakuatsiya yapılmağan” rusiyeliler andan quvulacaqlar.
Belli olganı
- Ukrainada serbest etilgen Qırımda iş içün kadr yedeginiñ muvafaqiyetli teşkil etüvi içün magistr işlerini yarattılar.
- Ukraina Milliy telükesizlik ve mudafaa şurasınıñ kâtibi Aleksey Danilov, Qırımnıñ deokupatsıya strategiyası, yañı muarririyetini, ya aynen yarımadanıñ azat etüv udullarında yönelişlerni deñiştirmesini talap etkeni aqqında bildirdi.
- 2021 senesi qara qış ayında Qırım MC’de prezidentniñ daimiy vekili Tamila Taşeva, rusiyelilerden azat etilgen yarımadanıñ ğayrıdan tikleviniñ yañartılğan strategiyası, qırım sakinleri arasında işğalge tirenüv çeşitleri ve qararnen 9 yıl içinde duşmanğa çalışmağa mecbur olğanlar satqın kibi sayılırmı aqqında tarif etti.
- Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır.
- Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler.
Bizni Telegram’da oquñız
