Ukrainada Qırımtatar tiliniñ milliy korpusınıñ teşkil etüvini devam eteler: cedvelge 700 ziyade malümatı kirsetilgen
2022-2032 qırımtatar tilniñ inkişaf strategiyasınıñ kerçekleşüv çerçivelerinde Reintegratsiya nazirligi, qırımtatar tilniñ milliy bölüginiñ (QTMB) teşkil etilmesini teşebbüs etken. Yarım yıl içinde 700 ziyade böyle kibi malümatı işletilip cedvelge kirsetilgen, bundan da ğayrı, lematizatsiya luğatı işlep çıqarılğan.
Bunı Telegram’daki resmiy kanalında Reintegratsiya nazirligi esabat ete.
Tafsilâtlıca oquñız: Ukraina, Reintegratsiya nazirliginiñ teşebbüsi ile qırımtatar tiliniñ milliy bölgesini aça
İşletilgen metinlerniñ arasında: qırımtatar müelliflerniñ eserleri, mecmualar, gazetalar, ders kitaplar, halqara teşkilâtlarnıñ vesiqaları, filmlerniñ ast yazıları ve ilâhre.
Daa teşebbüsniñ peyda oluvından beri yarım yıl içinde lematizatsiya luğatı işlep çıqarılğan. Mütehassıslar sözlerniñ infinitiv şekli ve til alâmetlerniñ (söz çeşitleri, soy, sayı ve ilâhre) qayd etüvinen malümat bazasını yarattılar. İdarede añlatqanları kibi, böyle sicil, Milliy korpusınıñ saytında sözlerniñ qıdıruv modulniñ işlettirüvi içün kerek. Şimdi böyle programmalı teminatnıñ işlep çıqarılması süre.
Daa QTMB teşkil etüvi üzerinde iş neticeleri aqqında Reintegratsiya nazirligi, ayrı esabatında yazğan edi, anda leyha aqqında tafsilâtlıca malümatnı almaq mümkün.
Tafsilâtlıca oquñız: Til ile öz medeniyetinen yaşamaq: Qırımtatar tili milliy bölüginiñ ortaqları bu canlı platformasınıñ işletüvi aqqında tarif ettiler
Belli olğanı
- YUNESKO’nıñ malümatlarına köre, qırımtatar tili, yoq oluv telükesi astında bulunğan tillerden biri. Qırımtatarlarnıñ aqları, olarnıñ milliy özgünligini saqlamaq içün er şeyni yapa.
- Keçken yıl Nazirler kabineti, 2022-2023 senelerge qırımtatar tiliniñ inkişaf strategiyasını qabul etti.
- 2022 senesi Reintegratsıya nazirligi, 2022-2023 senelerine qırımtatar tiliniñ inkişaf strategiyasınıñ eda etüv çerçivelerinde Ukrainada qırımtatar tiliniñ milliy bölüginiñ (QTMK) teşkil etilmesini teşebbüs etti.
- Vitse premyer naziri İrina Vereşçük, qırımtatar tiliniñ imaye etilmesi içün ilk nevbette onıñ imlânı ve onıñ tasdıq etilmesi içün qanuniy bazasını işlep çıqarmaq kerek olğanını bildirdi.
Bizni Telegram’da oquñız