Tahminen er kün taqiqat tevqifhanesinde casuslıqta, terraktlarnıñ azırlanuvında ve propagandasınıñ tarqataluvında şübelenip tevqif etilgen yañı insanlar - Yesipenko

Присяжнюк Владислава
·
14:32, 22 Sabanay
Tahminen er kün taqiqat tevqifhanesinde casuslıqta, terraktlarnıñ azırlanuvında ve propagandasınıñ tarqataluvında şübelenip tevqif etilgen yañı insanlar - Yesipenko
Foto menbası: Радіо Свобода

Kiyevde “Cenk vaqtında sanaat” ukrain PEN’niñ tedbiri vaqtında “Azatlıq Radiosınıñ” jurnalisti Vitaliy Portnikov, siyasiy mabusı Vladislav Yesipenkonıñ mektübini oquğan. Bu mektüpte o, yaşağan işkenceler ve FTH ile cezasınıñ berüvini hatırlay. 

Mektüp metinini ZMINA insan aqları merkezi alıp ketirgen. 

Tafsilâtlıca oquñız: İşğal etilgen Qırımda jurnalist Vladislav Yesipenkoğa ükümi aqqında ne belli

Aqşam saban aynıñ 11 meni “Federal telükesizlik hızmetiniñ idaresine” alıp ketirdiler, anda men tahqiqatçı Vlasovnı ve tayin etüvi boyunca advokatı Violetta Sineglazovanı ilk sefer kördim. Merametli yuzli şişkin qadın böyle aytqan: “Er şeyni itiraf etseñ, evge altı yıldan degil, üç yıldan soñ ketip olursıñ”.

Tahqiqatçı Vlasov, mallar, urba ve esas delili olaraq - qıtada ömür arqadaşına telefon açmağa fırsatında yardım etüvini vade etken. Amma, aytqanı kibi, böyle şeyler olarğa has degil. Şahsiy ve namusl advokatlarım ve qıtanen bağım olmasa, fırsatlarım az olğanını añladım. 

Keççe, mustaqil advokatları Emil Kürbedinov ve Öleksiy Ladin davağa qoşulğanlarda ve men “makemede” işkenceler aqqında bildirip işkenceler ile alınğan öz şaatlığımdan vazgeçkende meni Aqmescitteki mağazına alıp ketirdiler. Anda olar menen ne yapmaq kerek olğanını tüşüne ediler. “Soñuñ keldi, Vlad. Şimdi apiske atarlar. Krivoy Rogta seniñ adına soqağını adlarlar, balalarnı ise pionerlerge qabul eterler”, -  dep tüşündim. Amma olmadıyu

Mında, taqiqat tevqifhanesinde, Qıyış küzgüler qırallığında kibi. Uydurılğan cinayetler içün tutıp alınğan figurantlarnıñ kameralarnıñ daimiy tolduruvından ğayrı, işğal akimiyetiniñ müthişligini bir şey öyle köstermey. 


Siyasiy mabusınıñ ömür arqadaşı, uquq qoruyıcı Katerina Yesipenko. ZMINA

Tahminen er kün taqiqat tevqifhanesinde casuslıqta, terraktlarnıñ azırlanuvında ve propagandasınıñ tarqataluvında şübelenip tevqif etilgen yañı insanlar. 

Üç yigitni kördim, olardan biri tevqif vaqtına 18 yaşını toldurğan. Olarnı terroristlerni kibi qabaatlaylar. Sanki dersin, ukrain timsalliginen risalelerni asıp Aqmesjitteki bazarını patlamağa istey ediler. Yigitnen laf etken edim, o ise - köp-kör, tayağınen yüre ve onı Qırımda terroristik taqımınıñ reberi kibi dep saysalar neni aytmaq kerek (Vladislav Yesipenko, siyasiy mabusı Öleksandr Sizikovnı belley, ğaliba). 

Öz aqqında neni aytayım? İşkenceler aqqında arizalarından soñ meni beden añlamında tiymeler. Kezentüv vaqtında türme azbarında sportnen oğraşmağa tırışam. Avağa künde bir kere çıqmağa izin bereler. Qıtai Ukrainadan yollanılğan matbuatnı oquyım. 

Serbestlikte menim oğrunda küreşken ve mında Qırımda yardım etken insanlarnıñ büyük miqdarına ve medialarğa büyük teşekkürler bildirem. “Azatlıq Radiosınıñ” jurnalistine tek Qırımnıñ işğal etilgen territoriyasındaki taqiqat kamerasında nezaretçi olıp şaşıp qalmaq ya da can bermek mümkün olğan tahqiqatnıñ keçirüviniñ usullarını özünde is etmege fırsatını bergen Rusiye FTH’ne de teşekkürler bildirem. Meni yoq etmedi, amma saçım çal olğan, ğaliba. 

Belli olğanı

  • 2021 senesi saban ayınıñ 16-nda Qırımda FSB tarafından casusı yaqalanıldı. Soñra, bu Azatlıq Radiosınıñ jurnalisti olğanı belli oldı.Vladislav Yevsipenko, Rusiye Cinaiy kodeksiniñ 223-1 m. 1 q. (nariye silâsınıñ qanunsız tarzda işlep çıqaruvı, işlevi ve tamir etüvi ve arbiy yedeklerniñ qanunsız tarzda işlep çıqaruvı) köre mahküm eteler. 
  • Çeçek aynıñ 6, “Qırımnıñ yuqarı makemesi”, ukrain jurnalisti Yesipenkonı eki ayğa apis etti. Bildirilgeni kibi, onı elektrik çarpması ile azap etip şaatlıq ettire ediler.
  • 2022 senesi arman aynıñ 18 Rusiyeniñ nezareti astında olğan Qırım Yuqarı makemesi, onıñ ükümini koloniyanıñ beş yılına ve 110 biñ ruble cöremesine azlaşqan. 
  • Büyük miqyaslı rusiye ücüminiñ başlanuvından beri Qırımda rusiye koloniyasnıñ hadimleri “patlav aletiniñ sanki dersiñ saqlanuvı ve taşıması” sebebinden qanunsız tarzda mahküm etilgen jurnalist Vladislav Yesipenkonen muzakeresine manialarnı yaratalar. 

Bizni Telegram'da oquñız