Ukraina, deokupatsıyasından soñ Qırımdaki vaziyetiniñ stabilleşüvi içün 50 biñ yañı kadrnı azırlay
Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır.
Bunıñ aqqında o, yarımadanıñ deokupatsıyasından soñ Ukrainanıñ acele adımları aqqında brifinginde haber etti.
Taşevanıñ sözlerine köre, yarımadanıñ qaytaruvından soñ keçirmek kerek olacaq areketlerine aqiqiy azırlanuvı süre.
“Uzun vaqıt devamında Ukraina prezidentiniñ avalesine köre, Temsilcilik esasında deokupatsıyasından soñ Qırımda devletniñ acele adımlarnıñ qavrayışlarnı işlep çıqarğan iş gruppası çalışa”, - dedi o.
Vaziyetiniñ idare etebilmesi içün yerde çalışacaq olğan eñ azdan yerli arbiy ya da arbiy-grajdan memuriyetleriniñ teşkil etilmesi kerek olacaq. Amma 9 yıl devamında tek işğalde yaşağan yerli sakinlerinden ştatnı teşkil etip olamaz.
“İdareniñ er bir organı - onıñ ştatında çalışqan ve qanunğa köre areker etken ve tayin etilgen vazifelerini kerçekleştirgen insanlardır. Lâkin, qararnen 9 yıl devamında işğalde yaşağan yerli sakinlerinden böyle memurlarınıñ ştatını teşkil etip olamaycağımız mantıqlıdır… Azırlanuv seviyesi ve ameldeki qanunlarınıñ bilmesi, devlet tiliniñ yahşı bilmesi kerek”, - qayd etti Taşeva.
Tafsilâtlıca oquñız: Vereşçük, Qırımnıñ deokupatsıyasından soñ onıñ ğayrıdan tiklenüv strategiyasına dair deñişüvler aqqında tarif etti
İİN malümatlarına köre, Devlet sıñır hızmetiniñ vazifeleriniñ eda etilmesini temin etmek içün ilâve olaraq tahminen 5 biñ hadimi kerek, Milliy politsiyasınıñ - tahminen 7 200, FVDH / tahminen 3 biñ, Milliy gvardiyasınıñ - 12,5 biñ, Devlet köç hızmetinde - 300’den ziyade, prokuratura organlarına - tahminen 550, Devlet taqiqat bürosına - 300 hadimi.
“Raqamlar tahminen 50 biñ şahıs miqdarında ilâve qoşuluvınıñ kerekligi aqqında aytalar, olardan büyük sayısını aynı ukrain akimiyetiniñ nezareti astında olğan territoriyalarından almaq kerek”, - qayd etti QMC’de Ukraina prezidentiniñ daimiy vekili.
Bundan ğayrı, Taşeva ilân etkeni kibi, şimdi em uyğun vazifelerde çalışqan devlet hızmetçilerniñ, em de devlet hızmetine çıqmağa planlaştırğan vatandaşlarnıñ tasil azırlanuvınıñ yönelişi yaratıla. Daa rusiye propagandasınıñ çoq yıllıq tesirini yoq etmek içün yanaşuvlarnı tapmaq, ayrı diqqatını qırım gençlerine ayırılmaq kerek.
“Qırımğa qanunsız sürette köçip kelgen Rusiye vatandaşları, qanunlarğa uymağan olsa da, ukrain yarımadasını serbest ve telükesiz tarzda terk etebilgeniñiz vaqıt soñuna yete. Biz er kesni haberdar ettik. Daa biraz vaqtıñız bar…Sarı-mavı keten, bu yıl Qırımnıñ bütün köşesindedir”, - qayd etti o.
Tafsilâtlıca oquñız : Tamila Taşeva, Qırımnıñ deokupatsıyasından soñ onıñ yañartuv strategiyası aqqında tarif etti
Belli olğanı
- Qırımtatar halqnıñ meclisi ve Qırımtatar resurs merkezi (QRM), “Adlarını qaytarıp Qırımnı qaytarırmız” adlı malümat ve advokat kampaniyasını başladılar. Olar işğal etilgen mesken yerleri, suv obyektleri, demir yol stantsıyalarına tarihiy adlarınıñ qaytaruvını teşebbüs eteler. Meclis başı Refat Çubarov, tarihiy adlarınıñ qaytaruvı, yarımadada Ukraina mevamlarını quvetleştirecek dep saya.
- Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler.
- Daa şunı qayd etti ki, Ukraina, Qırımnıñ deokupatsıyasından soñ rusiyelilerni nasıl quvmaq mehanizmi üzerinde çalışa.
Bizni Telegram’da oquñız