Bu aqta “Qırım birdemligini” advokat Lilâ Gemeci bildirgen. 

Onıñ sözlerine köre, ev tevqifinde bulunaraq, Amet Suleymanovğa bir qaç sefer acele yardımını ve, onı baqqan ekimlerni çağırğan ediler. 

Advokat qayd etti ki, ekim neticesi makemede mudafaa tarafından  berilgen edi, onda ise Suleymanovnıñ alı qanaatlendiriciden daa alçaq olğanını denile. 

Gemeciniñ malümatına köre, imayesi altında bulunğanıñ alı bayağı fenalaşa, onıñ, acele yürek ameliyatına ihtiyacı bar. Ameliyat ise onıñ tutuluvınıñ bir aftadan soñ tayinlengen edi. 

Şimdi, yürekniñ eki klapannıñ deñişüvi ile ameliyatnı keçirmege azırlanalar. 

Onıñ bildirgenine köre, “makemede” imaye tarafı Suleymanovğa ayda bir kereden ziyade ekimlerde baquvında olunmağa imkân bermesinde talap etken edi. 

Lâkin “makeme”, bu ricasını red etip, evelki cezalav çaresini qaldırdı, ve 2020 senesi noyabrniñ 9 qadar evdeki tevqif müdetini devam etti.

Belli olğan

• 2020 senesi martnıñ 11, işğal etilgen Bağçasaray şeerinde birden bir qaç qırımtatarınıñ evinde tintüvler keçti (Enver Mustafayev, Amet Suleymanov, Seytumer ve Osman Seytumerov qardaşları, olarnıñ dayısı Rustem Seytmemetovnıñ evlerinde). Bir qaç yıl evel Qırımnı mecburen terk etken “Qırım birdemliginiñ” sabıq faali Seytumer Seytumerovnıñ evinde de tintüv keçirilgen edi. 
• 2020 senesi martnıñ 12, bu işniñ üç mecazına cezalav çaresiniñ saylavına bağlı ilk oturışnıñ vaqtında işğalcı “Kiyev rayon makemesi” Aqmescit taqiqat tevqifhanesinde 2020 senesi mayısnıñ 10-nğace qaldırdı. Qırımdaki telükesiz hızmetiniñ “tahqiqatçı” Gramaşovnıñ şefaatına köre, “makemeci” Andrey Dolgopolov Suleyman Ametovnı ciddiy yürek hastalığı sebebinden 2020 senesi mayısnıñ 10-nğace evge yiberdi. 
• 2007 senesi Bağçasaray şeerdeki hastahanesiniñ statsionarında baqınmasından soñ oña böyle diagnoznı qoyğanlar: arteriya ve mitral yetersizligi. Yürek klapannıñ deñişüvi aqqında tevsiyesi berilgen edi. O, Aqmescetteki Semaşko adına hastahanesiniñ revmatologiya bölüginde, er yıl olğan tedaviy kursını keçken edi.