İşğalcılar soñki üç yıl içinde Aqmescitteki Gagarin parknı ekinci sefer yañıdan quralar

Глянько Катерина
·
18:32, 05 Armanay
İşğalcılar soñki üç yıl içinde Aqmescitteki Gagarin parknı ekinci sefer yañıdan quralar
Foto menbası: Seldon.News

Qırımnıñ işğalcı akimiyeti Aqmescitteki Gagarin adına parknı yañıdan quracaqlar, onı 2022 senegece bitirmege planlaştıralar. Yaqın vaqıtta parktaki yañı kontseptsiyasınıñ işlenmesine konkursnı ilân etecekler. Parknıñ soñki rekonstruktsiyası 2017-2018 seneleri keçirilgen edi. O vaqıt yerli işğalcı akimiyet oña 43 mln ruble (16,3 mln grivna) masraf etti. 

Bu aqta Qırımnıñ işğalcı “başı” Sergey Aksönov öz Facebook saifesinde bildirdi

Onıñ sözlerine binayen, işğalcı akimiyetiniñ vazifesi - bir qaç yıl içinde Aqmescit parklarnı “butünle elâllamaqtır”. Böyleliknen, Gagarin adına parknıñ, PME yañındaki yeşil zonanıñ, Mira skverniñ ve başqa territoriyalarnıñ  abadanlaşuvı planlaştırıla. 

Aksönovnıñ bildirgenine köre, avgustniñ 5 Gagarin adına parqnıñ rekonstruktsiyası boyunca qavrayışnıñ işlenüvi içün yarışnıñ keçirilüvi aqqında qararnı alğanlar. 2020 senesi, sentâbrniñ 15 qadar “grajdan fikir kesimniñ” olanacağı beklenile. 

Daa tehnikiy vazifeniñ teşkil etüvinden evel, oktâbrniñ birinci kününe qadar yarışnıñ ilânları ötkerilecek, anda Rusiyedeki mütehassısları celp etilecekler. 

Dekabrniñ 10-ğace, yarışnıñ neticelerine köre, eñ yahşı kontseptsiyası belli olıp, bundan soñ leyha-tapuv işlerniñ ötkerilmesine muqaveleniñ tizilüvi olacağı qayd etile.

Qırımnıñ işğalcı “başınıñ” beyanatında bildirgenini kibi, 2021 senesi iyünniñ birinci künden başlap 2022 senesi bitirmege planlaştırğan quruv-montaj işlerniñ icra etüvine razılığı alınmaq kerektir.

Belli olğanı

  • 2017-2018 seneleri Gagarin adına parknıñ rekonstruktsiyasına ayırılğan 43 mln rublege (16,3 mln grivna) territoriyasında asfalt qaplaması, pekitilgen yalı kenarında iskelelerni abadanlaştırıp yañı skemlelerni qoymaq kerek ediler. Lâkin, rekonstruktsiya işleriniñ neticesini yerli sakinler tenqit etmege başladılar. 
  • Aqmescit sakinleri Gagarin parkında çamur, qurucılıq çoplük ve qazılğan endeklerge şikâyet etken ediler. Rekonstruktsiyasını 2017 senesi bitirmek kerek ediler. 
  • Quruv işleri içün “Konsol” şirketi mesülietli edi, onı Qırımnıñ işğalcı parlamentiniñ “spikeri” Vladimir Konstantinovnen bağlaylar.