Bunıñ aqqında iyül ayında tizilgen işğalcı gidromet merkeziniñ esabatında bildirdiler. 

“Aqıp ketüvli suv anbarları yerleşken esas özenlerniñ çoqusında  uzun zaman devamında yağanaqlarnıñ qıtlığı sebebinden suvniñ alçaq seviyesi körüne edi, Alma ve Qara özenleri ise qurıp keteyatalar”,-denile beyanatında. 

Qayd etile ki, özen havzalarınıñ çoqusında şiddetli yağmurlar gidrologik vaziyetiniñ eyileşmesine tesir etmegenler. 

Böylece, esabatınıñ malümatına köre, Kaça ve Qara özenlerniñ havzalarında eñ elverişsiz vaziyeti olıp çıqqan, Suvorov köyünıñ yañında Kaça özenniñ alçaqlığında yağanaqlar asılda körünmey edi. 

Belli olğanı

• Almanıñ adı qırımtatarca “alma” demek. O, özenniñ yañında çoq alma teregi öskeninen bağlı olğanını ihtimalıdır. Alma. Qırımnıñ Aluşta-Yaltalı vilâyetinde yerleştirilgen Babugan-Yayla massiviniñ şimaliy capında başlana.
• Qara özeni Baydar uvasında başlanıp İnkerman rayonındaki Qara deñiziniñ Aqyar körfezine kire. 
• Ukraina Gidrometeorologik merkeziniñ müdiri Nikolay Külbida UMH tarif etken ki, yağanaqlarnıñ qıtlığından işğal etilgen Qırımdaki suv anbarları suvsuzlaşqanlar ve şimdi aman-aman boşlar. Külbada qayd etkeni kibi, işğal etilgen Qırımda yağnaqlar vaziyeti pek zor. Aman-aman 40% qarar nisbetine yağanaqlarnıñ qıtlığı körüne. 
• İşğalci Aqyar tabiyat nezareti Belbek özeniniñ, Frontove köyünden başlap ağız tarafına qadar, qısmını baqıp çıqtı. Neticede, suvnıñ rengi deñişip bulanıq olğanını belli oldı. 
• RF işğal etilgen Qırımda Qarasuvbazardaki suv anbarınıñ alı 2020 senesi fenalaşqan. Mayıs ayında suv üstüniñ qurutuvından soñ, endi bütünle suv anbarınıñ ortası da qurıp ketken.