Medvedçuk Qırımğa nasıl çıqıp kelgeni, anda kimnen körüşe bilgeni ve onıñ ailesi Rusiye tarafından işğal etilgen yarımadasında idare etilgen nasıl biznesniñ saibi olğanı Суспільне Крим soraştırıp bildi.

Medvedçuk Qırımğa nasıl kelgen ve onı ne içün keçirdiler?

Avgustniñ ekinci künü Medvedçuk ailenen beraber işğal etilgen Qırımda raatlanğanı belli oldı. Devlet organlardaki Suspilnıynıñ menbaları, Medvedçuk Qırımğa “Kalançak” KÇNNdan keçkenini bildireler.

İyülniñ 15 başlap işğalciler Ukraina vatandaşlarına Qırımğa kelmege izin berdiler, amma ayrı talaplarnıñ riayet etüvinen.

RF vatandaşı olmağanları içün kirüv tek yaqın soy-sopnıñ ölüm sebebinden, tedaviylenüv ya da, baquvında ihtiyac körgen  yaqın hasta soy-soplarnı ziyaret etmek sebebinden izin berilgen. Memuriy sıñırnı işğalcılar ecnebiyler ve vatandaşı olmağan diplomat, halqara teşkilâtlarnıñ hadimler, halqara alâqanıñ aydayıcılar, gemilerniñ ekipajlarına ve başqalarına izin berler.

İşğal etilgen Qırımğa Ukraina milliy deputatı neyin esasında kirgen-belli degil. Viktor Medvedçuknıñ matbuat kâtibi Oleg Babin bu vaqianı tefsir etip olamadı.

2018 senesi Viktor Medvedçuk “TV Tsentr” rusiye telekanalına işğal etilgen Qırımğa raatlıq içün kelmege devam etкеnini haber etti.

“Qırım-evelden ve şimdi de raatlanğanım yeridir. Kimse içün osır degil. Anda, bu, keçken yıl raatlanğan edim, ileride de raatlanacağım”,-ilân etken edi o.

Medvedçuk Qırımda kimnen körüşe bile edi?

Bir qaç kün evel, “YOMF”dan milliy deputat Viktor MEdvedçuk kelgen yerge, Rusiye prezidenti Vladimir Putinniñ uçağı kelgen. Bunıñ aqkında "Наші гроші", FlightRadar servisniñ malümatına atıf etip, avgustniñ 4 haber ettiler.

RA-96012 bort nomeralı ІЛ 96-300 uçağı Aqmescit uçaq limanına qondı, anda Moskvadan o, tahminen, eki saat evel uçıp ketken.  2003 senege qadar bu uçaq esas olaraq qullanılğan edi, şimdi ise yedek prezident uçağı olaraq qullanıla.

Kremlniñ resmiy saytında, avgustnıñ 4, Putin Moskva vilâyetiniñ gubernatorı Andrey Vorobyovnen körüşkenini haber etile. RF prezidentiniñ sayttaki “Yolculuqlar” bölüginde soñki haberler - işğal etilgen Qırımğa iyülniñ 20 ziyaretleri aqqında.

Суспільне Крим, Viktor Medvedçuknıñ matbuat kâtibi Oleg Babaninnen, işğal etilgen Qırımda Putin ve Medvedçuk arasında körüşivi aqqında malümat almaq içün eki kere uzlaşmağa tırışqan edi, amma cevabı alınmadı.

Viktor Medvedçuknıñ işğal etilgen Qırımda biznesi ve köçmez mülkü

Medveçuknıñ ömür arqadaşı Oksana Marçenkonıñ eki şirketi bar - SMT “Tavriya-invest” ve SMT “Firma Ukrsnab”. Uquqiy şahıslarnıñ ukrain sicilinde sayılmaylar. Bu şirketler, Qırımda Rusiye tarafından işğal etilüvinden soñ qayd etilgeni, rusiye vesiqalarından belli oldı.

“Tavriya-invest” şirketi, rusiye federal bergi hızmetiniñ malümatına köre, millliard rubleden ziyade sermiyasınen 2015 senesi yazda qayd etilgen edi. Şirketniñ esas profili- köçmez mülkniñ idare etüvi ve quruvıdır”. 

Bu şirketler yaylâ böylü Gaspra köyünde yarımadanıñ rusiye işğalinden soñ peyda oldılar. 

“Tavriya-invest” rusiye açıq bazlarına köre, er yıl millionlı zararını köre. Lâkin faaliyetini devam ete. 

2016 senesi “Tavriya-invest” 3 mln rubleli sermiyası ile “Ukrsnab” şirketini tesis etken. Onıñ faaliyetiniñ esas saası-binalar ve avtoyollarnıñ quruvı. “Tavriya-invest”, tesis vesiqalarına binayen, 2017 senesi öz ofisniñ yerini Gaspradan Rusiye paytahtına Moskva şeerine deñiştirgen. 

“Tavriya-invest”, ya ondan “Ukrsnab”ını da, Oksana Marçenko ve Medvedçuknıñ mülkiyetinde olğan üç ukrain kompaniyası saibi olaraq çıqa: SMT “ “Ukrkapital” yatırım şirketi”, SMT “ “Terra-invest” yatırım şirketi” ve SMT “Sport-tur” yatırım şirketi”. 

Qırım KHV yazğanları kibi, 2016 senesi “Ukrsnab” şirketi bu topraqnıñ kira muqavelesini rusiye uquqiy saasında yañıdan resmiyleştirmege tırışa edi ve yerli akimiyeti ile 10 yıllıq kira muqavelesini tizgen. Amma Qırımnıñ rusiye prokuraturası kirişip, kira muqavelesi maqbul olamağanı, topraq arazisi “Âltanıñ saibine qaytarılmaq kerek olğanını” ilân etken.

Müberlerniñ soraştırıp bilgenine köre, Medvedçuknıñ ailesi Qırımda daa bir SMT “Tavriya-kapital” şirketiniñ saipleri olğan ekenler. O, “Tavriya-invest” kibi aynı saiplerniñ adına ve aynı adresi boyunca resmiyleştirilgen edi. Onıñ profili olaraq ötellerniñ faaliyeti ve başqa yerlerniñ yerleştirüvi edi. Şirket 2015 senesi yazda rusiye sicilinde peyda oldı, amma 2016 senesi onı yoq ettiler.

Medvedçuk, mühberlerniñ, onıñ qırım aktivleri ve olarnıñ keleceginen alâqalı planları aqqında talabına cevap bermedi. 

Bundan ğayrı, beyannamesine binayen, Medvedçuknıñ ömür arqadaşınıñ, Yalta astıdan 5 biñden ziyade metr kvadrat topraq arazisi ve işte qullanılğan kölük-kedik inşaatlı evi bar. Topraq ve işte qullanılğan kölük-kedik inşaatlı evi onıñ saibine 2007 senesi keçtiler, evi ise- 2013 senesi. 

Beyannamesinde bu mülkiyet ukrain adresi kibi qayd etilgen: Qırım, Opolznevoye, Yalta, Qırm Muhtar Cemhuriyeti. 

Medvedçuk ve başqa ukrain siyasetçilerniñ deklaratsiyasından Qırım toprağı, Rusiye prezidenti Vladimir Putinniñ emirine köre, ecnebiy vatandaşlarnıñ tarafından idare etilip olamağan territoriyalarnıñ cedveline kire.  Rusiye akimiyeti bu topraqlarnı RF vatandaşlarına ya da rusiye kompaniyalarğa satmağa mecbur ete, yoqsa olar devlet tarafından satın alına bileler. 

Mühbirler Medvedçuktan, bu aqta, qırımnıñ yaylâ boyusındaki onıñ aile kâşanesini ne beklegenini bilmege istegenler, amma o talabına cevaplanmadı.

Qırım kimge ait?

Viktor Medvedçuk, “ameldeki ukrain qanunıa köre, Qırım- Ukrainanıñ toprağı, amma aslında bugün o- Rusiyedir” dep bildire edi. 

2019 senesi BBCnıñ rusiye hızmetinde Medvedçuk dedi: “Men, Qırımnı Ukraina territoriyası olğanını tüşünem. Ne şaşıp qaldıñız? Men başqa fikirde iç olmadım”. 

O, aynı  bunı da Rusiye prezidenti Vladimir Putinge aytamı sualine, Medvedçuk böyle cevap bergen: “Elbet de! Yoqsa, men intervyü bergenimden ve ne aytqanımdan onıñ haberi yoqmı dep tüşünesiz? Menim intervyülarımnı taqip etmegeni belli, amma menim mevamımdan haberi bar”.

Medvedçuknıñ sözlerine köre, Putin bu aqta oña bir şey aytmay, çünki er taraf öz fikrinde qala. 

“Er kesniñ öz fikri bar. O, devlet başı. O, devletnıñ meraqlarını imaye etmeli. Olarnı qorçalay. Men, siyasetçi, Ukraina vatandaşı olıp ukrain meraqlarını imaye etem, oña köre, böyle dep tüşünem”,-dedi Medvedçuk.