Blinken Lavrov ile körüşüvini red etti
AQŞ tış işler naziri Entoni Blinken haber etti ki, o Rusiyenen “DMC” ve “LMC” mustaqıl tanıması sebebinden rus zenaatdaşınnen Sergiy Lavrovnen evelsi plan etilgen körüşüvini red etti.
Bunı o kiçik aynıñ 22 Ukraina tış işler naziri Dmitro Küleba ile ortaq brifing devamında beyan etti.
“Keçken afta devamında men Rusiye tış işler naziri Lavrov ile körüşüvini keçirmege razılıq berdim. Biz avropalı tekükesizlik sebebinden raatsızlıqmıznı muzakere etmege istey edik. Lâkin Rusiye Ukrainağa ucumlanmağa başladı. Demek, bu körüşüvnıñ endi mañası yoq. Men ortaqlarımıznen mesleatlaştırdım, olar red etmege keregine qol tuttılar”, - memur qayd etti.
Daa o r Rusiyege qarşı yañı sanktsiyalar ve “Şimaliy aqım-2” rus gaz borunıñ blok etüvini hatırlattı.
“Biz tez uyğunlaşqan areketlermiznı başlaymız ve energoteminlevnıñ stabilligini tasdıqlaymız. Birleşken Ştatları, ortaqlar rus tecavuzına qarşı çıqıp, birleştiler.
Aytqanına köre, Rusiye diplomatiya astında saqlanıp, tecavuziy siyasetini keçire.
“Biz Rusiyege Rusiye diplomatiya astında saqlanıp, Ukraina sınırlarına tecavuzını keçirmege bermedejmiz. Rusiye tarafından eskalatsiya devam etse, AQŞ ortaqlarınnen beraber öz cevabını berecek. Biz Ukrainağa imdat bildirtmege, halqara uquqnı qorçalamağa ve dünyanı Ukrainada olğanı kibi tecavuzden qorçalamağa devam etedejmiz”, - Devlet departmantnıñ başı ayttı.
Öz nevbetine Dimtro Küleba sınırladı ki, şimdiki vaqıtında avropalı ve dünya telükesizligi içün qıyın vaqıt kelgen. Aytqanına köre, Rusiyenıñ tecavuzı dünyanı miqyas qaza sınırına oğrattı. Ekinci dünya cenknıñ vaqıtından bu eñ miqyas katastrofa olğan.
“Cumhuriyetlerini tanıp, Putin mustaqıl avrpalı Ukraina devleti ile cenk sebebinden mesülietini de tanıdı”, - Küleba ayttı.
Ministr Baydennıñ antirus sanktsiyalarını qarşıladı.
“Dünya bütün quvetını, qudretini toplap, Rusiyenı yapılğan cinayetleri içün cezalamağa mecbur”, - qayd etti.
Daa oquñız: Dünyanıñ Rusiyenen “LMC/DMC” tanımasına rekatsiyası. Belli malümatlar
Belli olğanı
- RF “L/DMC” mustaqıl tanımağa tecavuziy qararını 46 devlet ve 5 halqara teşkilâtı maküm ettiler.
- TİN Ukraina prezidentnı RF ile diplomatik munasibetlerini toqtatmağa talap ete.
- 2Kiçik aynıñ 21 “Donetsk ve Lugansk milliy cumhuriyetlernıñ” başları Denis Puşilin ve Leonid Paseçnik beraber Rusiye prezidentine Volodimir Putinge hatip etip, “L/DMC” tanımağa rica ettiler.
- Kiçik aynıñ 21 RF prezidenti Volodimir Putin tanınmamış Donetsk ve Lugansk “milliy cumhuriyetlernıñ” Rusiyenen subyektlik aqını qabul etti ve uyğun emirini imzaladı.
- Ukraina ve Ğarp beyan ettiler ki, “L/DMC” qabul etüvi Rusiyenıñ Minsk añlaşmalarından çıqaruvını tasdıqday.
- “L/DMC” Rusiyenen qabul etüvinden soñ, Moskva sanki tınç maqsadınnen olarnıñ territoriyalarına öz ordularını kirsetmege başladı.
- Ukraina prezidenti Volodimir Zelenskiy beyan etti ki, Rusiye Normand formatnıñ çerçivisinde qabul etilgen qararlarını körmemezlikke ursa de, Minsk añlaşmalarından çıqsa de, halqara qayd etilgen Ukraina sınırları denişmesiz qalacaqlar.
- Ukraina “normand dörtnıñ” acele samitını teşebbüs etti. Ukraina tış işler nazirligi “Budapeşt memorandum” çerçivisinde soratma yolladı ve acele mesleatlarını keçirmege talap etti.
- Büyük Britaniyanıñ premyer-naziri Boris Conson Rusiyege qarşı sanktsiyalarını qabul etmege Ğarpnıñ niyetini tesvir etti. O fikir ete ki, Ğarpnıñ Qırımnıñ işğaline reaktsiyası “yımşaq” edi.
Bizni Telegram’da oquñız