Bunı “Qırım birdemligi” bildire. 

İşğal makemesi, RF CK 20.2.2 maddesi (birinci ve dörtünci qısmı) boyunca protokollar tizilgen. “Grajdan intizamınıñ bozuluvını peyda ettirilgen grajdan yerlerde bir vaqıtta vatandaşlarnıñ kütleviy bulunuvı ve dolaşuvınıñ teşkil etilmesi”.

Öz nevbette, faaller ilân etkenleri kibi, “uquq qoruyıcılar” olarğa azbarda qararnı oqudılar, insanlar qulaq asıp yeterli olğan içtimaiy mesafesine turğanlar, lâkin “operativ hadimleri” olrnı azırşanıp kelgen küçük avtobusqa ozğardılar. Tutıp alınğanlrnı memuriy protokollarnıñ tizüvi içün Bağçasaray ”İİRB’ne” alıp kettiler. 

“Ne içün tutqanlarını bilmeymiz, bir birinden bir buçuq metr mesafesinde turğan edik”, - qayd etti faallerden biri. 

Olarnıñ arasında qırımtatar grajdan erbapları, muhbir ve “Qırım birdemliginiñ” grajdan jurnalisti Aziz Azizov, Seyran Saliyev siyasiy mabusınıñ anası Zodiye Saliyeva ve “Qırım birdemliginiñ” faalleri olğan ediler. 

Apis cezasınıñ beş kününi Ceppar Muzaffarov alğan. 

Apis cezasınıñ yedi kününi alğanlar: Aziz Azizov, Reşat Seydametov, Nariman Seytaliyev, Kâzim Useinov. 

Apis cezasınıñ on kününi Eleonor İzmaylov, Memet Lümanov alğanlar. 

Faallerniñ arasında olğan pensionerler cöremelerni alğanlar. 

“O, makemelerge kelgenleriniñ nevbetteki qorqutuv aktı olğan edi”, - bildirdi advokat Emil Kurbedinov. 

Belli olğanı

• Bağçasaraydaki faalleri haber etkenleri kibi, qırımtatar halqnıñ Qurultay vekili Edem Dudakovnıñ evinde işğalcılar tintüv keçirdiler. Advokat Edem Semedlâyev tarif etkeni kibi, faalni Bağçasaray şeeriniñ işğal polisiniñ bölügine alıp ketirdiler.
• Uvut aynıñ 18 qırımtatar faali Edem Dudakovnı 2017 senesi Facebook’taki tefsiri içün nefretlikniñ doğuruvı aqqında memuriy protokolına köre 10 künge apis ettiler. Tefsir, bu kününe qadar silinmegenine köre, “prokuratura” bunı “sürekli cinayeti” dep saya. Dudakovnıñ sözlerine köre, ayrı bir aqiqatlarını mısqılağan ve tenqit etken duyğulı bir metin edi. Mutehassıs, sözlerni konteksten ayırıp çıqardı ve yazını bütünle oqumağan. 
• O vaqıt, yekünniñ ilân etilmesine kelgen on qırımtatarı, “makeme” binası yanında tutıp alınğan edi. 
• Ukraina Yuqarı Şurasınıñ vekâletli Lüdmila Denisova, qırımtatar halqnıñ Qurultay vekili Edem Dudakovında keçirilgen tintüvini tefsir etken.
• Ukraina tışqı işler nazirligi, vaqtınca işğal etilgen Qırımda qırımtatar halqnıñ Qurultay vekili, teftiş komissiyasınıñ azası Edem Dudakovnıñ esassız tutıp aluvı sebebinden narazılıq bildirdi.

Bizni Telegram’da oquñız