Bunu Twitter’de “Aqiqat radiosınıñ” brüksel jurnalisti Rikard Yozvâk bildirdi. 

“AB ülkelerniñ tışqı işler nazirleri Ukrainanıñ territorial bütünliginiñ yıquvı içün daa beş insanğa viza berüvine yasağını ve aktivlerniñ buzlatuvını qabul ettiler. Bu beş şahısnı daa 2021 senesi Qırımdan rusiye Devlet dumasına rey berüvine imkân yaratqanları sebebinden seçip alğanlar”, - ilân etti o. 

Yozvâk, sanktsıyalı cedveline oğrağan insanlarnıñ adlarını aytmağan, amma “Şimdiki zaman” neşriyatınıñ malümatına köre, işğal etilgen Qırımdan RF Devlet dumasınıñ deputatları aqqında söz kete. O, Aleksey Çernâk, Leonid Babaşov, Tatyana Lobaç, Nina Faustova ve Aleksandr Çmihalov. 

Şimdi sanktsıyalar 177 insan ve 48 şirketine qullanılğanlar. 

Belli olğanı 

• 2014 senesi saban ayında AB, Ukrainanıñ mustaqiliq, territorial bütünligine zarar ketirgen ya da havf yaratqan areketler sebebinden 150 insan ve 37 şirketine qarşı sanktsıyalarnı qullanğan. Tedbirler aktivlerniñ buzlatuvını ve kirmege yasağını köz ögünde tutalar. 
• Avropa birligi Rusiyege Ukrainanıñ mustaqiliq, territorial bütünligine qast etüvi içün sanktsıyalarnı kirsetti. 2022 senesi saban aynıñ 15 qadar areket etken hocalıq faaliyetiniñ subyektlerine ve ayrı şahıslarğa qarşı sanktsıyalar, Qırım ve Aqyarnen kiraz aynıñ 23 qadar sürgen iqtisadiy munasebetlerine yasağı aqqında söz kete. Rusiye iqtisadiyatınıñ ayrı saalarına dair sıñırlama tedbirleri kirsetilgen edi. 

Bizni Telegram’da oquñız