Kiyevde qırım siyasiy mabuslarnıñ destegine RF elçiligi ögünde 11 sındırılğan qapını tayin ettiler

Любезна Катерина
·
12:07, 21 Kiçikay
Kiyevde qırım siyasiy mabuslarnıñ destegine RF elçiligi ögünde 11 sındırılğan qapını tayin ettiler
Foto menbası: Українська правда

Uvut aynıñ 21 Kiyevdeki Povitroflot caddesinde Rusiye Federatsıyasınıñ elçiligi yanında qırım siyasiy mabuslarnıñ destegine tedbiri keçe. Elçiliginiñ ögünde grajdan jurnalistlerniñ, qırımtatarlarnıñ qırılğan 11 ayatınıñ timsali olaraq 11 sındırılğan qapını tayin ettiler. Siyasiy mabuslarına destek olaraq tedbir, Qırım işğaline tireniv aftası içinde keçip Varşava ve Berlinde devam etilecek. 

Bunıñ aqqında “Qırım, saba saat 5” halqara leyhasınıñ çerçivelerinde teşebbüs etilgen tedbiriniñ Facebook saifesinde haber etile

Qayd etilgeni kibi, yarımadanıñ işğaliniñ başlanuvından beri faallerniñ 100 danesinden ziyadesi, ayrıca qırımtatarlar öz grajdan mevamı içün rusiye işğalcılarnıñ tarafından taqip etüvlerine oğradılar. 

“Olarnıñ çoqusı, “terroristik” faaliyeti içün 10’dan 20 yılğa qadar cezasını çekeler. Aqiqaten, öz Vatanını sevgenle ve kerçekni aytmaqtan qorqmanları sebebinden. Rusiye mahsus hızmetleri olarğa saba erte, saat beşine keleler. İnsanlar ayrıca imayesiz olğanda ve kimse yardım etmek içün kelip olamağan vaqıtta. Qapını qaqmaylar, onı sındıralar. Uzun yıllarğa babasız ve aqaysız qalğan ailelerniñ ayatlarını sındırğanları kibi”, - denile beyanatta. 

Tedbirde “Antıtila” taqımınıñ lideri Taras Topolâ, Dakh Daughters taqımınıñ solistleri Nataliya Galaneviç ve Anna Nikitina, qırımtatar halqnıñ Meclis başı Refat Çubarov ve başqaları iştirak etkenler. 

 

Menba: Ukrain aqiqatı

Menba: Ukrain aqiqatı

Menba: Ukrain aqiqatı

Menba: Ukrain aqiqatı

Bizni Telegram’da oquñız