Bunı devlet tiliniñ imaye etilmesi boyunca vekâletli olğan Taras Kremin öz Facebook saifesinfe bildirdi. 

Onıñ sözlerine köre, 2021 senesi oraq aynıñ 1 Yuqarı şurasınen “Tamır halqları aqqında” qabul etilgen qanun, Ukraina tamır halqlarnıñ til aqlarını kefalet ete. 

“Yoq oluv ciddiy telükesinde bulunğan Ukraina tamır halqlarnıñ tillerinden biri qırımtatar tili ola. Rusiye işğal akimiyeti tarafından basqılar ve taqip etüvlerini yaşağan tamır halqnıñ imayesine halqara  ve umumiy milliy birleşüv ve tiline qol tutulması maqsadınen adet üzre qırımtatarca canlı imlâsı keçirile”, - yazdı Kremin. 

Tafsilâtlıca oquñız: Tamır halqlar aqqında emri aqqında ne belli. Ekspertler añlatalar

Til ombudsmeni qayd etkeni kibi, 2022 senesi imlâ, Kreml siyasiy mabusları qırımtatar halqnıñ Meclis baş muavini Nariman Celâlov ve Aziz ve Asan Ahtemovlar ağa-qardaşına bağışlanacaqtır. İmlânı, yaş, millet, yaşağan ülke ve til seviyesine baqmadan, istegen er kes yazabile. 

“Aqlımızda tutayıq ki: til - silâdır. O - er halqınıñ maddiy ve ahlâqiy mirasınıñ saqlaması ve inkişaf etilmesiniñ eñ küçlü aletidir. Buna köre, tamır halqlarnıñ tilini imaye etilmesi ve ukrain tilini devlet tili olaraq tesbit etilmesi - umumiy vazifemizdir”, - ilân etti o. 

Bizni Telegram’da oquñız