Bunıñ aqqında Beyaz evniñ matbuat hozmeti bildire. 

Beyaz evniñ resmiy vekili Cen Psaki tarif etkeni kibi, Bayden, Ukrainanıñ etrafında vaziyetini közetmege devam ete. 

Onıñ sözlerine köre, milliy telükesizligi boyunca Baydenniñ taqımı, vaqialarnıñ inkişafı aqqında onı muntazam tarzda haberdar ete. 

Tafsilâtlıca oquñız: Putin Ukrainanı ücüm etmege qarar bergen - Bayden

“Milliy telükesizligi boyunca Baydenniñ yardımcısı tasdıq etkeni kibi, Rusiye Ukrainağa ücümini er bir ande başlaybile”, - ilân etti Psaki. 

Belli olğanı 

• Britaniya TİN başı Liz Trass, RF prezidenti Vladimir Putin, Ğarpnıñ birdemligini yıqmağa ıntıluvında şimdiki buhranını aftalarğa, yoqsa aylarğa bile uzatabilgeni aqqında ihtar etti. 
• Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
• AQŞ devlet kâtibi Entoni Blinken, uvut aynıñ 24 Rusiye tışqı işler naziri Sergey Lavrovnen körüşmege planlaştıra. Sebebi, ukrain sıñırlarında be Donbassta vaziyetniñ kerginleşüvi da oldı. 

Bizni Telegram’da oquñız