Kravçuk, “Ştaynmayer formulasınıñ” qabul etmesini doğru dep saya
UKGdaki ukrain delegatsiyasınıñ başı, Ukrainanıñ ilk prezidenti Leonid Kravçuknıñ ilân etkenine köre, “Ştaynmayer formulasını”, o, UTKG tarafından imzalarnen maqul körüngeni sebebinden qabul etmek kerek.
Bu aqta o, "112 Ukraina" telekanalınıñ yayında bildirdi.
Kravçuk qayd etti ki, avgustnıñ 3, UTKG oturışında “Ştaynmayer formulasını” muzakere etmediler. Lâkin, onıñ sözlerine köre, ne Ukraina prezidenti Vladimir Zelenskiy, ne de ukrain diplomatlar ve memurlar bu formuladan iç te vazgeçmegen ediler.
Başqa mesele- onı nasıl añlap amelge keçirmektir. O, endi formulanı ayatta kerçekleştirmesiniñ mehanizmidir. Onı, nasıl tatbiq etmesi aqqında tüşünip, muzakere etip teklif etmek kerek. Formulanı ise qabul etmek kerek, çünki o, üç taraflama kontakt gruppasınıñ tarafından da qabul etilgendir”,-dedi siyasetçi.
Daa haber etkeninden: Minskteki ukrain delegatsiyası uzlaşuvlarnı muzakere etecek, amma mustaqilik ya da öz topraqlarnıñ suverenitetini- yoq.
“Birinciden, eger kimse, uzlaşuvlarnı mustaqilik, yoqsa, topraq birdemligine qullanmaq mükün olğanını dep tşünse-pek yañlışa. Bu mesele yasaq. Bu meselerni muzakere etmeycekmiz”,- qayd etti Kravçuk.
Aynı zamanda, UTKG ukrain delegatsiyası başınıñ sözlerine köre, bütün qararlar eki yaqlı olmalı.
Belli olğanı
- İyülniñ 30 Ukraina prezidenti Vladimir Zelenskiy Leonid Kravçuknı Minsk UTKGda Ukraina delegatsiyasınıñ başı olaraq tayin etti.
- Ukrainara “Batkivşçina” birliginiñ yolbaşçısı Yuliya Timoşenko Yuqarı Şurasındaki fraktsiyalarnıñ bütün liderlernen Ukrainada tınçlıqnıñ tayin etüvi boyunca halqara qonuşmalarında ayrı parlament missiyası aqqında muzakerelerni başlaycaq.
- “Batkivşçina”nıñ yol başçısı bu mesele boyunca Üç taraflı kontakt gruppasında ukrain delegatsiyanıñ yañı reberi, mustaqil Ukrainanıñ ilk prezidentinen işbirlik yapmasınıñ müimligini qayd etti, çünki onıñ itibarı Ukrainanı müsbet tarafından taqdim ete bile.
- Ştaynmayer formulasını Ukrainanıñ beşinci prezidenti pötr Poroşenko 2016 senesi qabul etken. Bu formula, ateşniñ toqtatuvı, ordularnıñ asravı, parlamentnen cenkçilerniñ amnistiyası aqqında qanunıñ qabul etilmesi, OSCEniñ imayesi astında yerli saylavlarnıñ keçirilüvini evelden esapqa ala.
- Bu maddelerniñ amelge keçirilüvinden soñ bu topraqlardan rusiye arbiylerniñ çıqıp ketmesiniñ ve rusiye-ukrain sıñırında ukrain tarafından nezaretiniñ tesbit etüv meselesi peyda ola.
