İşğalcılar Qırımdaki oqutuvlar vaqtında raketalı komplekslerni qullandılar
Rusiye arbiyleri işğal etilgen Qırımnıñ “mudafaasınıñ” oqutuvları vaqtında “Bal” ve “Bastion” raketalı komplekslerni qullandılar.
Bunıñ aqqında RF Mudafaa nazirliginiñ matbuat hızmetinde bildirdiler.
“Oqutuvlarnıñ adetine köre, raketalı komplekslerniñ esabatları öz mevamlarına yürüş yapqanlar, tertibatlarnı uruşqa ketirdiler ve faraziy duşmanınıñ gemilerini belli ettiler”, - denile beyanatta.
Tafsilâtlıca oquñız: Rusiye, Ukraina etrafında arbiy arttıruvını devam etkenine oşay, başqa yerge çeküvi yoq - Stoltenberg
Qayd etilgeni kibi, duşmanınıñ gemiler rölünde flot gemileri olğan ediler, yeñilüv ise - raketalarnıñ faraziy qullanuvı ile yapıla edi.
Oqutuvlarda rusiye arbiylerniñ 500 danesinden ziyadesi ve tehnikanıñ tahminen 50 danesi qullanılğan.
Belli olğanı
- Rusiye Mudafaa nazirligi ilân etkeni kibi, Cenübiy arbiy bölgesiniñ bölükleriniñ arbiy tehnikasınen yañı eşelonı, oqutuvlardan soñ işğal etilgen Qırımnı terk etti.
- Uvut aynıñ 15 İşğal etilgen Qırımda Opuk poligonında rusiye arbiyleri “Grad” ve “Uragan” top ateşiniñ reaktiv sistemalarnıñ qullanuvı ile top atışlarnı keçirdiler.
- Rusiye Mudafaa nazirliginde ilân etkenleri kibi, RF silâlı quvetleri arbiy oqutuvlarnı bitirdiler, bölükler daimiy bulunğan yerine qaytmağa başladılar.
- Uvut aynıñ 11 Qırımdaki işğalcılar “Bastion” raketalı yalı komplekslerinen oqutuvlarnı keçirdiler.
- Uvut aynıñ 6 işğal etilgen Qırımda uçaqsızlarnıñ qullanuvı ile oqutuvlar keçti.
- Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey. Bunıñ aqqında mudafaa naziri Aleksey Reznikov, brifingde tarif etti.
Bizni Telegram’da oquñız