Bunıñ aqqında o, İçtimaiy Qırımnıñ yayısında “Qırım meselesi” tokşounda bildirdi. 

“Rusiye tecavuzınıñ mevzusı, başqa mevzularnı (Poloniyada) artta qaldırdı. Qırım mevzusınen meraqlanuv seviyesi, Ukraina ve ukrainlerniñ ıntıluvlarına doğrudan-doğru bağlı. Bu meraqlandıruvını, ilk nevbetten, yaratmaq, idare etmek ve türlü meydanlarında tutmaq kerek. Tek siyasiy soyunda degil, medeniyet, medeniy vaqialar, Qırımda insan aqlarınen bağlı meseleler aqqında malümatnıñ tarqatuvı ile. Afsus ki, soñki vaqıt içinde Qırım mevzusı yoq olğan, o da büyük bir mesele ola”, - qayd etti Useinov.

Daa qayd etkeni kibi, Poloniyadaki telekörüvinde Qırımğa dair malümatnı muntazam tarzda bilmek mümkün olğan menbanı tapmaq zor. 

“Amma ukrain diplomatik müessiseler bar, medeniy diplomatiyası bar. Soñki yıllar içinde o pek körüne, medeniy vaqialarnıñ sayısı arta. Qırım mevzulı ukrain edebiyatı yetmey, o, işletüvini talap etken meydanıdır”, - yekün çekti Nedim Useinov. 

Bizni Telegram’da oquñız