Ukrainağa qarşı yañı tecavuzı olsa, “Rusiye öz sıñırlarında daa çoq NATO’nı alacaq” - Stoltenberg
NATO baş kâtibi Yens Stoltenberg, Münhen telükesizlik konferentsiyasındaki çıqışı vaqtında halqara dünyanı borclu kibi qabul etmek kerekmey dep qayd etti ve Ukrainağa qarşı yañı tecavuzı sebebinden “Rusiye öz sıñırlarında daa çoq NATO’nı alacaq” dep Kremlni qorquttı.
Bunıñ aqqında Guardian yaza.
“Kremlniñ maqsadı, öz sıñırlarında NATO bulunuvını azlaştıruvı olsa, netice olaraq daa çoq NATO’nı alacaq. Kreml, Alyansnı yıqmağa istese, daa birleştirilgen olacağımız”, - dedi Stoltenberg.
Tafsilâtlıca oquñız: Putin, Ukrainanı ücüm etmege qarar berdi - Bayden
NATO baş kâtibi qayd etkeni kibi, Alyans Rusiyeni qorqutmay, lâkin öz ittifaqdaşlarını imaye etecek.
“Şimdiki buhran, tek Ukrainağa degil, devletler arasında munasebetlerni nasıl yaratmağa isteginimizge de bağlı. Moskva, tarihnı qapatıp NATO yañı azalarnıñ qabul etüvini toqtatmağa istey, o ise - ğarbiy telükesiz strategiyadı üzerinde nezaretni tesbit etmege Rusiyeniñ ıntıluvı ola”, - dedi Stoltenberg.
Belli olğanı
- Rusiye Mudafaa nazirliginde ilân etkenleri kibi, RF silâlı quvetleri arbiy oqutuvlarnı bitirdiler, bölükler daimiy bulunğan yerine qaytmağa başladılar.
- Şimaliy atlantik alyansında ukrain sıñırında Rusiye tarafından başqa yerge çeküv alâmetlerini daa körmeyler.
Bizni Telegram’da oquñız