Bunı “Qırım birdemligini” bildire. 

Qayd etilgeni kibi, makeme oturışı keç başlanğan, sebebi belli degil. 

“Qırımtatarlarnıñ adına RF CK 20.2.2 maddesi (birinci qısmı) boyunca protokollar tizilgen. “Grajdan intizamınıñ bozuluvını peyda ettirilgen grajdan yerlerde bir vaqıtta vatandaşlarnıñ kütleviy bulunuvı ve dolaşuvınıñ teşkil etilmesi”. Amethan Umerovnıñ adına RF CK 20.2.2 maddesi (dörtünci qısmı) protokol tizilgen - memuriy tevqifiniñ 30 kününi köz ögünde tuta”, - denile beyanatta. 

Tafsilâtlıca oquñız: Edem Dudakovnı  2017 senesi Facebook’taki tefsiri içün 10 künge apis ettiler

Kün ögüne aqşam işğal polisniñ bölüginden 67 yaşındaki Zodiye Saliyeva, 79 yaşındaki Gani Abdullayev, 74 yaşındaki Riza Nuradinov çıqtılar. Başqaları geceni memuriy tutıp alınğanları içün kameralarında keçirdiler. 

Grajdan qoruyıcı Seyit-Osman Karaliyev, 59 ve 62 yaşındaki tutıp alınğan Reşat Yağyayev ve Arif Osmanovğa tibbiy yardımınıñ berimesi içün acele yardımdaki elimlerni çağırdı.

Daa “Qırım birdemliginiñ” grajdan jurnalisti ve strimeri Aziz Azizovnı 7 künge apis etkenleri belli oldı. 

Belli olğanı 

• “Bağçasaray rayon makemesi” yanında işğal polisi, Edem Dudakovnıñ memuriy davasınıñ baquvı boyunca oturışına kelgen diñleyicilerniñ qaba tutuvlarnı keçirdi. “Qırım birdemliginiñ” jurnalistini canlı yayında tutıp aldılar.
• Bağçasaraydaki faalleri haber etkenleri kibi, qırımtatar halqnıñ Qurultay vekili Edem Dudakovnıñ evinde işğalcılar tintüv keçirdiler. Advokat Edem Semedlâyev tarif etkeni kibi, faalni Bağçasaray şeeriniñ işğal polisiniñ bölügine alıp ketirdiler.
• Ukraina tışqı işler nazirligi, vaqtınca işğal etilgen Qırımda qırımtatar halqnıñ Qurultay vekili, teftiş komissiyasınıñ azası Edem Dudakovnıñ esassız tutıp aluvı sebebinden narazılıq bildirdi. 

Bizni Telegram’da oquñız