Prezidentniñ çıqışı, Beyaz evniñ saytında kösterile edi. 

Ukrainağa dair muracaatlarnen çıqışta bulunmaqtan evel Bayden, NATO devletler, Alyans ve Avropa Birliginiñ idaresinen telefon müzakerelerni keçirgen.

Baydenniñ sözlerine köre, Putin, Ukrainanı ücüm etmege azırlana. 

“Menimce, o qarar bergen. Bunı aytmağa esaslarım bar. İstihbarattan yeterli qadar malümatı bar”, - qayd etti Bayden.

Tafsilâtlıca oquñız: Putin, yaqın künlerde Ukrainağa ücümni azırlay - Blinken

AQŞ prezidenti qayd etkeni kibi, eyilikke ümüt etip diplomatik ya da arbiy yolı ile ketmege Rusiyeniñ de seçüvi bar olğanını qayd etti.

Blimken ve Lavrovnıñ körüşüvinden evel Rusiyeniñ Ukrainağa büyük mıqyaslı ücümi olğan alda RF, diplomatiya içün qapılarnı yapqanı manasına kele. 

Amerikalı prezidenti qayd etkeni kibi, Ukraina prezidenti Vladimir Zelenskiyniñ areketlerinen iç te memnün olmağanını qayd etti. 

“Zelenskiynen endi on kere müzakere etken edim. Münhen konferentsiyasına ketmege qararını aqılı olğanını saymayım. Amma qararını o berecek”, - dedi o. 

Tafsilâtlıca oquñız: RF, soñki 48 saat içinde arbiylerni arttırmağa devam etken edi - Britaniya Mudafaa nazirliginiñ başı

Amerikalı lideri, Donbassta başlanılğan tahliye mevzusını diqqatsız qaldırmağan. Onıñ sözlerine köre, rusiye ealisi, USQ Kiyevge tabi olmağan territoriyalarnıñ sanki ücüm etmege istegeni aqqında ilân etüvlerinen beraber daa çoq sahte malümatnı ala. 

Bayden, Qoşma Ştatlar Ukrainağa arbiylerni yollamaycaqlarını daa bir kere qayd etti.  

“Ukrainada cenk içün arbiylerimizni yollamaycağımız, amma onıñ ealine qol tutacağımız”, - ilân etti amerikalı lideri.

Bunen beraber, AQŞ prezidenti şunı qayd etti ki, Donbassnı Ukraina ücüm etkeni iç bir isbatı yoq. 

“O, mantıqqa uymay: çoq yıllıq davasınıñ çezilüvi içün olarnıñ sıñırları yanında 150 biñ arbiyi toplanğan vaqıtta ukrainler böyle anini seçip alacaqları”, - dedi Bayden. 

Ukrainanı ücüm etmek içün RF’nıñ aynı o sahte aqlaması olğanını dep tüşüne.

Belli olğanı 

• Rusiye Mudafaa nazirliginde ilân etkenleri kibi, RF silâlı quvetleri arbiy oqutuvlarnı bitirdiler, bölükler daimiy bulunğan yerine qaytmağa başladılar.
• Britaniya TİN başı Liz Trass, RF prezidenti Vladimir Putin, Ğarpnıñ birdemligini yıqmağa ıntıluvında şimdiki buhranını aftalarğa, yoqsa aylarğa bile uzatabilgeni aqqında ihtar etti. 
• Şimaliy atlantik alyansında ukrain sıñırında Rusiye tarafından başqa yerge çeküv alâmetlerini daa körmeyler.
• Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
• Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey. Bunıñ aqqında mudafaa naziri Aleksey Reznikov, brifingde tarif etti.

Bizni Telegram’da oquñız