İşğal etilgen Qırımdaki abituriyentlerge Ukrainanıñ qıtaiy qısmına qadar memuriy sıñırınıñ keçmesi içün ferdiy ozğaruvnı berecekler
Qırım MC Ukraina prezidentiniñ vekilligi 2020 senesi, АOY kirecek olğan qırım abituriyentlerge, KÇNN keçmesinen, ya da YOY kirmesi aqqında ilâve suallerine cevap bermesinen bağlı meselelerni çezmek içün yardım etüv maqsadınen, uzaqtan şahsiy ozğaruvnı berecekler.
Bunı, öz Facebookta Qırım MCteki Ukraina prezidentiniñ Vekilligi bildirdi.
“Eger, vaqtınca işğal etilgen Qırım MC territoriyasından ve Aqyar şeerinden ukrain AOY kirmek maqsadınen yol tutqan abituriyentler, ya da olarnı ozğarğan insannıñ KÇNNnıñ keçmesinen bir mesele peyda olsa, yoqsa oquv yurtuna kirmesinen bağlı ilâve sualler peyda olsa (kerek olğan vesiqalarnıñ cedveli, qabulhaneniñ añlayışsız talaplar ve başqaları)- bizge şahsiy mesleat içün muracaat ete bilesiñiz”,- söz etile beyanatta.
Daa tafsilâtlıca: işğal etilgen territoriyalardaki mezunlar ukrain AOY TMQsız kire bileler
Şahsiy mesleat 4 variantta berile:
- Vatandaşlarğa muracaat içün adresi- Herson ş., Uşakov caddesi, 42;
- bedava “acele hattı” telefonı boyunca: 0 800 502 192;
- Skype vastası ile-esap yazısı: arkpredstavnictvo;
- elektron poçtası ile: zvernennia@ppu.gov.ua
Belli olğanı
- İyünniñ 30 Ukraina Tasil ve ilimler nazirligi, abituriyentler içün sıcaq hattılarnı açtı, olarnıñ yardımı ile elektron odalar, arizalarnıñ bermesi, TMQ, universitetke kirüv içün imtiyazlar ve başqa meraqlanğan suallerge cevaplarnı almaq mümkün.
- İyünniñ 24 Ukraina prezidentiniñ “Yüksek tasil aqqında” UQ deñişüvlerniñ kirsetilmesi aqqında qanun leyhası (Ukrainanıñ vaqtınca işğal etilgen territoriyalardaki talebelerniñ yüksek oquv yurtlarına kirüviniñ hususiyetler aqqında) Yuqarı Şurasında qayd etilgen.
- Bundan evel devlet başı, vaqtınca işğal etilgen Qırım, Donetsk ve Lugansk vilâyetlerden Ukraina yüksek oquv yurtlarına kirecek olğan mektep mezunları içün kirüvini sadeleştirilgen “Yüksek tasil aqqında” qanunına deñişüvler kirsetilmesiniñ teşebbüsçisi olğan.
- Prezident ofisiniñ matbuat hızmeti, bu territoriyadaki balalar Ukraina yüksek tasil yurtlarına TMQsız, ve bunen beraber şimdi olğanı kibi, ayırılğan cedveli boyunca degil, Ukrainanıñ bütün yüksek oquv yurtlarına kirmesini, ve Tasil nazirliginen tayin etilgen (er yüksek oquv yurtı içün devlet sumarıvından 20 %) bedava kvota çerçivelerinde oqumağa olıp bilmesini evelden esapqa alınğanını bildirdi.
- Bundan ğayrı, vaqtınca işğal etilgen Lugansk ve Donetsk vilâyetlerdeki istegenleri ukrain YOYuda kvota çerçivelerinde bedava oquycaqlar. Şimdi bu qaide tek Qırım ve Aqyardaki mezunlar içün olucı.
- Herson YOYuında iyünniñ 9, “Qırım-Ukraina” tasil merkezleri çalışmağa başladılar. Hersonnıñ öyle 4 merkezi bar: devlet, milliy-tehnikiy, agrar-iqtisadiy ve Devlet deñiz akademiyasında.
