Sloveniya telekanalı, Ukraina haritasını Qırımsız kösterip bunı tehnikiy hatası olğanını dep añlattı
RTV Slovenija sloven telekanalı, programmalardaki biriniñ yayısında RF terkibinde işğal etilgen Qırımnen haritasını köstergen. Lâkin kanalnıñ idaresi, cevap berip bunı tehnikiy hatası dep adladı.
Bunıñ aqqında Sloveniyada Ukraina elçiligi bildire.
Qayd etilgeni kibi, aqiqat, salı künü, uvut aynıñ 15 olğan. Elçilikte buna cevap berip telekanalğa resmiy muracaatını yolladılar.
Uvut aynıñ 17 kanal, resmiy tarzda afu istedi. Ukrainağa ürmetsizligini bildirmege muarririyetiniñ niyeti olmağan edi, tehnikiy hatası olğan.
Tafsilâtlıca oquñız : Frenk telekanalı haritada işğal etilgen Qırımnı Rusiye qısımı olaraq kösterdı
“Ukraina, Rusiye tarafından kütleviy haber propagandasına ve sahte malümatlarına qapıla. Böyle vaqıtt ortaqlarımız halqara qaidelerine ve Rusiye Federatsıyasınıñ tarafından Qırımnıñ qanunsız işğaliniñ tanımamasına dair öz mevamına riayet etsinler dep pek müim”, - qayd ettiler ilçilikte.
Bundan da ğayrı, diplomatlar qayd etkenleri kibi, ecnebiy KHV jurnalist ahlâğınıñ qaidelerine riayet etip malümatnı obyektiv tarzda köstermek kerekler.
Belli olğanı
- Frenk ARTE telekanalı Qırım MC dair halqara uquq vaziyeti aqqında malümat grafikasında işğal etilgen yarımadasını RF territoriyasınıñ qısmı olaraq kösterdi.
- "BBC World" Qırımsız Ukraina haritasını yayınladı.
Bizni Telegram’da oquñız