Ukrainanıñ bütün territoriyasında tesbit etilgen vazifelerniñ eda etilmesine arbiy qısımlar ve bölüklerniñ azırlavı keçe - Nayev

Анастасія Діденко
·
16:37, 18 Kiçikay
Ukrainanıñ bütün territoriyasında tesbit etilgen vazifelerniñ eda etilmesine arbiy qısımlar ve bölüklerniñ azırlavı keçe - Nayev
Foto menbası: Armyinform

Devletteki bütün territoriyasında cenkâver soylarına eñ çoq oşağan poligonlarnıñ şaraitlerinde arbiy poligonlarında tesbit etilgen vazifelerniñ eda etilmesine arbiy qısımlar ve bölüklerniñ azırlav tedbirleri keçe.

Bunıñ aqqında İçtimaiy Qırımğa USQ BQR’de bildirdiler.

Ukraina silâlı quvetlerniñ birleşken quvetleriniñ reberi general-leytenant Sergey Nayev degeni kibi, planlaştırılğan idmanlar ve oqutuvlarnıñ episi, mahsus terkibiniñ oqumışlıq ve mutehassıs azırlığınıñ seviyesini kötermege ve işdeşlikni em milliy silâlı quvetlerniñ , em de devletteki mudafaa ve telükesizliginiñ başqa terkibiy quvetlerniñ bölüklerinen yahşı etip çalışmağa istey.

“Birinciden, bölükler mudafaa, avağa qarşı bölükler, arbiy obyektler ve grajdan astyapı obyektler, desant ve tankqa qarşı yedeklerniñ areketleriniñ qabiliyetlerini ve faraziy duşmanınıñ ateş ile zararını mükemmeleştireler”, - qayd etti general-leytenant Sergey Nayev. 

Tafsilâtlıca oquñız: Künniñ başlanuvından beri Donbasstaki mesken yerlerniñ 20 danesinden ziyadesi üzerine ateş etilgen edi

Reber qoşqanı kibi, bütün saalardaki reberleri peyda olğan vaziyetine köre qararlarnı tez sürette almağa, standart olmağan şeklinde fikir etmege ve alınğan cenkâver tecribesine esaslanıp hadimlerni idare etmege ögreneler.

“İstisnasız terkibiniñ episi, tesbit etilgen müddetlerine uyıp vazifeni eda etip oqumışlığınıñ yahşı seviyesini köstergeni pek müim”, - qayd etti general-şeytenant Sergey Nayev.

Bugünki kününe qadar USQ birleşken quvetlerniñ reberligine tabi olğan arbiyler ve quvetlerniñ episi, azırlığını planlaştırılğan tedbirlerine köre devam etkenlerini qayd etmek kerek.

Bizni Telegram’da oquñız