Praga makemesi, aqyar “öz mudafaa etici” Françettini Ukrainağa ekstraditsiya etmege izin bergen
Rusiye vatandaşı Aleksandr Françettiniñ ekstraditsiyası aqqında davasında Praga şeer makemesi, imaye tarafına tanımasına afta bergen ve apisten makemelengeniniñ azat etüvi aqqında ricasını qanaatlendirmedi. Françetti, Ukrainağa ekstraditsiya etilebilecegini de qabul etti, anda onıñ davasınen ukrain makemesi oğraşacaq.
Bunı Qırım.Aqiqatı bildire.
Qararğa köre, Françetti, ukrain qanınlarınen yasaq etilgen “Qırımnıñ öz mudafaası” teşkilâtı qanunsız olğanını bilip “Şimaliy yel” istihbarat gruppasınıñ reberi olğan. Baş makemecisi Blank Bedrjihova qayd etkeni kibi, Françettige uyğun tibbiy yardımı berilecek.
Ukraina, Françettini Qırımnıñ işğali vaqtında silâlı şekillenüvlerinde faal sürette iştirak etkeninde qabaatlay. Ukrainada Françettini 8 yıl müddetinde apis cezası bekley.
Qayd etilgeni kibi, Françettininiñ advokatı, Praga şeer makemesiniñ qararına istinaf etken.
Françetti, qabaatlavlarnı siyasiy ceetinden peyda ettirilgenlerini dep saya. Öz qabaatını bütünle red etip 2014 senesi rusiyeliniñ sözlerine köre, Aqyar şeeriniñ civarında grajdan intizamını közetken “halq müfrezesiniñ” azası olğanını qayd ete.
Belli olğanı
- 2021 senesi ilk küz ayında Praga ava limanında Aleksandr Françetti, Ukrainanıñ talabınen alıp berilgen halqara ordenine köre tevqif etilgen edi. Praga şeer makemesi, ilk küz aynıñ 14 Françettiniñ tevqifi aqqında qararını qabul etti.
- Soñra Ukraina Baş prokurornıñ ofisi, apis etilgen Françettiniñ alıp berüvine talabını alıp bermege niyetini tasdıq etti.
Bizni Telegram’da oquñız
