Bunıñ aqqında Shemalar programmasınıñ tahqiqatında denile. 

Jurnalistlerniñ malümatlarına köre, Qırımnıñ işğalinden evel Şufriçniñ ailesi, fırqa boyunca onıñ şimdiki işdeşi Viktor Medvedçuktan Simeyiz köyünde Medvedçuknıñ yanında qurucılığını bitirmegen 4500 metr kvadrat olğan villanı satın alğan. Shemalar bildirgenleri kibi, bu territoriyasında ukrain qanunşarına uymağan şahsiyleştirilgen plâjı bar. Arazini Dinamo-Kiyev FT kira içün alğan, soñra ise - o, şimdi Mesvedçuknıñ ömür arqadaşı Oksana Marçenkoğa yazılğan Sport-tur yatırım kompaniyasınıñ saipligine yazılğan. 

Menba: Shemalar

Köçmez mülkniñ ukrain sicilinde qayd etilgeni kibi, villanıñ saibi, Avto biznes gruppalarnıñ ukrain kompaniyası ola, onıñ esasçısı Şufriçniñ babası ve onıñ yardımcısı olalar. Bunen beraber, tahqiqatqa binaen rusiye sicilinde villa ve onıñ astında topraq arazilerniñ bir qaç qısmı 2019 seneden itibaren Esteyt holding grup rusiye kompaniyasınıñ saipligi kibi qayd etilgen. Onıñ da saipleri babası ve halq deputatnıñ yardımcısı ola. 

Tafsilâtlıca oquñız: Qırımğa yolculıqlar ve aile biznesi: Medvedçuk ailesiniñ işğaş etilgen Qırımnen ne bağı bar

Jurnalistler ilân etkenleri kibi, işğal etilgen Qırımdaki köçmez mülki, shema vastası ile eusiye kompaniyasınıñ adına resmiyleştirilgen edi. Yarımadanıñ işğalinden soñ Şufriçniñ ailesi, rusiye qanunlarına esaslanıp qurucılığını bitirmegen villası yanında daa eki arsanı satın alğan. Olar ise - ukrain kadastrınıñ malümatına köre, alâ daa evelki saibiniñ adına yazılğanlar. Tahqiqatta denilgeni kibi, añlaşma, ukrain olmağan qanunlarına binaen tizilgen edi. 

Menba: Shemalar

Shemalarğa tefsirinde işğal etilgen Qırımda köçmez mülki bar olğanını tasdıq etti. Onıñ sözlerine köre, yarımadada rusiye qanunlarına binaen mülkniñ resmiyleştirüvine “ukraina qanunları ile izin berilgen”. Halq deputatı jurnalistlerge degeni kibi, 2019 senesi “eki mahsus qanunı” qabul etilgen edi, amma ekspertler ve devlet akimiyetteki profil organlarınıñ vekilleri bunı red ettiler. 

Belli olğanı 

• Nestor Şufriç - Ömür oğrunda - muhalefet fırqasından (ÖOMF) halq deputatı ola. Yuqarı Şurasına ilk sefer 1998 senesi 31 yaşında olğanda oğradı. O vaqıttan beri tek 2006-2007 senelerdeki beşinci çağıruvınıñ qısqa kadentsiyası vaqtında halq deputatı olmağan. Fevqulâde vaziyetler naziri ilk sefer olğan edi: 2006-2007 ve 2010-2012 seneleri. 

Bizni Telegram’da oquñız