Bunı Associated Press bildire. 

Beyaz evniñ başınıñ sözlerine köre, AQŞ Ukrainanen sıñırından rusiye arbiyleriniñ çeküv alâmetlerini körmeyler. Rusiye, ücüm içün sebebini almaq içün qızıştıruv ameliyatını azırlay dep tüşünmek içün Vaşingtonnıñ esasları bar. 

Tafsilâtlıca oquñız: RF, soñki 48 saat içinde arbiylerni arttırmağa devam etken edi - Britaniya Mudafaa nazirliginiñ başı

“O, kelecek künler içinde olabilecegini duyam”, - cevap berdi AQŞ prezidenti RF prezidenti Vladimir Putin ücüm etecekmi aqqında jurnalistlerniñ suallerine. 

Belli olğanı 

• Rusiye Mudafaa nazirliginde ilân etkenleri kibi, RF silâlı quvetleri arbiy oqutuvlarnı bitirdiler, bölükler daimiy bulunğan yerine qaytmağa başladılar.
• Britaniya TİN başı Liz Trass, RF prezidenti Vladimir Putin, Ğarpnıñ birdemligini yıqmağa ıntıluvında şimdiki buhranını aftalarğa, yoqsa aylarğa bile uzatabilgeni aqqında ihtar etti. 
• Şimaliy atlantik alyansında ukrain sıñırında Rusiye tarafından başqa yerge çeküv alâmetlerini daa körmeyler.
• Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
• Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey. Bunıñ aqqında mudafaa naziri Aleksey Reznikov, brifingde tarif etti.

Bizni Telegram’da oquñız