Bunı idareniñ matbuat hızmeti bildire. 

Tahqiqat tayin etkeni kibi, 2014 senesi suiqastçı, işğalcılarnıñ tarafına, qanunsız yarzda teşkil etilgen “Qırım Cumhuriyetiniñ Qara deñiz rayon makemesine” hızmetke keçti.

“Qabaatlanğan, ukrain vatandaşına cöreme tarzda cezasını tayin etip onı memuriy mesüliyetligine qanunsız tarzda celp etti. Qadınnı 2014 senesi mayıs aynıñ 3 olıp keçken vaqialar içün mesüliyetlikke celp etken ediler. O vaqıt qırımtatar halqnıñ Meclis başı Mustafa Cemilevge işğal akimiyeti yarımadağa kirmege yasaq etti. Soñ narazılıq olaraq ve işğalge qarşı çıqıp qırımlılar Aqmescit-Aqyar, Herson-Canköy-Kefe-Keriç, Aqmescit-Kefe-Keriç ve başqa yollarını qapattılar”, - denile beyanatta. 

Qadınnı Ukraina CK 1 q. 111 m. köre devlet hainliginde qabaatlaylar. Qırım MC ve Aqyar şeeriniñ prokuraturası, dava baquvını bitirdi ve dava malümatlarnı makemege yolladı.

Belli olğanı 

• Keriçteki tüzetüv cezahanesiniñ sabıq reberi, devlet hainliginde şübesi aqqında haberdar etilgen edi.
• Ukrainada işğal etilgen Qırımda ukrain faalini taqip etken işğal makemecini devlet hainligi içün ğıyabiy olaraq mahküm etecekler.
• Qırımdaki Canköy işğal rayon makemesiniñ başı, devlet hainliginde qabaatlavı boyunca 15 yıl tevqifi telükesindedir. “Makemeci”, beş qırımtatarını RF CK 20.2 m. 5 q. boyunca toplaşuvlarnıñ keçirilmesinde ya da teşkilâttaki tesbit etilgen intizamınıñ bozuluvında qabaatlı tanımasına dair aqiqatqa uymağan qararlarnı çıqardı.

Bizni Telegram’da oquñız