Bu aqta advokat öz Facebook saifesinde haber etti. 

“Asılda buna genotsid demezsiñ, amma oña yaqındır. Rusiye daa bir ukrain diniy-medeniy gruppasını yoq etip Qırımnı bütün ukrainliginden temizlemege devam ete”,-ilân etti Zayats.

Belli olğanı

• İbadethaneden çıqaruvı aqqında qararını işğalcı mahkemeler daa 2019 senesi yazda qabul etkenler. Yaşağan yerden çıqaruvınıñ kerçek ıntıluvları keçken yılnıñ avgust ayından başlanğanlar. Qırım yeparhiyasınıñ idaresi tahminen yıl devamında akimiyetke qarşı muvafaqiyetnen turğanlar.
• Baştan qararnıñ amelge keçirilüvi Merkeziy bölgesiniñ Akemlik makemesinen toqtatılğan edi. Amma bu makeme şikâyetini tez vaqıtta red etken ve ibadethaneden çıqarmağa ıntıluvları yañıdan başlağanlar. 
• 2019 senesi dekabr ayında RF Yuqarı makemesi qararnıñ amelge keçirilmesini kene de toqtatqan. 
• RF YM 2020 senesi mart ve iyün ayları temyiz talabınıñ makemede baqıluv müdetini uzatqan. 
• Aynı zamanda işğalcı akimiyet Kezlevdeki kilseçikni yıqmağa tırışa. 
• Bu vaqiadan bir aftadan evel işğalci makeme icracıları UPK Qırım yeparhiyasınıñ  Kliment arhiyepiskopına, arhiyepiskopnıñ ruhiy mertebiniñ 20 yıllığınıñ kününde, işğal etilgen Kezlevde ibadethanesiniñ yıqıluvı aqqında qarar çıqarğanlar. 
• Mudafaa tarafdaşları, UPK Kezlevdeki ibadethaneni yıqmağa mecbur etken işğalci “Kezlev şeer makemesi”niñ qararınıñ yañıdan baqılması aqqında niyetini ilân etken ediler. 
• Qırım MC Ukraina prezidentiniñ vekâlethanesi bunıñ aqqında işğalcı makemeniñ qararını mahküm etti. Çernigivli arhiyepiskop ve Nijinli Yevstratiy (Zorâ) da qarşı çıqqanlar. 
• Klimentniñ sözlerine köre, quruvı daa 2014 seneden evel başlanğan edi ve UPKniñ ibadethanege kerekli olğan vesiqaları bar. Bunen beraber dava arizasında söz yürsetile ki, mezkür toprağında ibadethaneniñ quruvı içün UPKniñ vesiqaları yoq. 
• Sentâbrniñ 24 Qırımnıñ işğalcı “Adliye nazirliginiñ” idaresinde, yarımadasında ukrain pravoslav kelüviniñ qayd etilüvini üçünci sefer red etkenler.