Bunı “Qırım birdemligi” bildire. 

Qayd elgeni kibi, tahqiqiy tedbirler saba saat 6:45 keçirileler. 

Uquqiy yardımı içün kelgen advokatlarnı işğal quvetçiler evge kirsetmediler. 

Advokat Semedlâyev keç kelgeni ve tedbirlerniñ başlanuvına keç qalğanı sebebinden onı kirsetmediler. 

“Böyle mantığına köre, bütün tahqiqiy tedbirlerine yetiştirmek içün imayem astında olğanlarımnen gece-kündüz bulunmaq keregim”, - tefsir ete advokat, işğaşcılar araba qapıdan gizliden baqmayıp 15 metr mesafege keçmege rica etkenlerini qoşıp. 

Vekilniñ evinde tintüvni Kiyev tayon işğal makemesiniñ esasında keçire ediler. 

Faalniñ soy-sopları tarif etkenleri kibi, “E” merkeziniñ hadimleri aileniñ gacetlerni ve cep telefonlarnı musadere ettiler. Tintüv içün esası, 2017 senesi belli olmağan qullanıvınıñ yaısı adtında Edem Dudakovnıñ ifadelüvi oldı. 

Şimdi Qurultay delegatı Edem Dudakovno Bağçasaray şeerdeki işğal polisniñ bölügine alıp ketirdiler. Kirgende ono metalodetektor ile baqtılar ve vesiqalarnı tetqiq ettiler. 

“Soñ ekstremizmge qarşı merkez bölüginiñ reberi Ruslan Şambazov, onı içerge kirsetmesinler dep emir etken. Podpolkovnik kelip onı azbarda bekleyim dep rica etken. Men kerek olsam, meni tapıp çağırırlar dedi. Meni binadan çoqarırlar, şimdi men azbarda bulunam, prokuraturağa nevbetteki şikâyetni azırlacağım”, - tefsir ete Semedlâyev. 

Menba: Qırım birdemligi

Belli olğanı 

• Uvut aynıñ 9 işğal etilgen Qırımda “quvetçiler” qırımtatarlarnıñ evlerine qanunsız tintüvlerini keçirdiler. Tintüvlerden soñ qanunsız toqtatıp, Ansar Osmanovnı, Amethan Abdulvapovnı, Marlen Mustafayevnı ve Ernest Seytosmanovnı FTH işğal idaresine alıp kettiler. Uquq qorucilar qayd eteler ki, tintüvler devamında advokatlarğa telefon açmağa imkânları yoq edi, olarnıñ mobil telefonları irişimsiz edi.

Bizni Telegram’da oquñız