İşğal etilgen Qırımda nevbetteki arbiy ögretüvler: bu sefer Opuk poligonında Rusiye QF himqoruv bölükleri
İşğal etigen Qırımda manzaralı Opuk poligonında, avgustnıñ 4, işğalcı Qara deñiz arbiy bölüginiñ radiatsiya, himiya, biologik qoruvdaki arbiylerniñ bölükleri başlanğan tar çıqışı çerçivesinde mahsus ögretüvlerni keçireler. 500 ziyade arbiy hızmetçi tatbiq etilgen.
Bunıñ aqqında Aqyar şeerdeki Qara deñiz rayonında malümat teminiñ işğalcı bölüginde haber ettiler.
Qayd etile ki, tar çıqışında umumen 500 ziyade arbiy hızmetçi tatbiq etilgen ve arbiy ve mahsus tehnikanıñ 100 danesi.
Beyanatında söz etilgeni kibi, bu ögretüvniñ esas maqsadı-arbiy hızmetçilerniñ şahısqa köre azırlanuvlarnıñ teşkil etilmesinde taqım terkibiniñ ameliy itiyatlarnı mükemmelleştirmektir.
İşğalcı Qara deñiz flotnıñ RHBT ordularnıñ bölükleri cenkâver azırlıqlardalar. Menba: Aqyarnıñ malümat temin etüvniñ işğalcı bölügi
İşğalcı qaydnamesinde qayd ettiler ki, evelden qabul etilgen planına binayen, arbiy hızmetçilernen radiatsiya, himiya, biologik hafiyelik, zeerlengen yerlerniñ aşması, tütün perdelerniñ turuşını ögretip ders keçireler.
Opuk poligonında 500 ziyade arbiy hızmetçi ve arbiy tehnikanıñ 100 danesi tatbiq etilgen edi. Menba: Aqyarnıñ malümat temin etüvniñ işğalcı bölügi
Arbiyler “belgilengen normativlerni icra etüvi vaqtında bölükler terkibinde areketlerniñ uyğunlığını yahşı etip işleyler”.
Belli olğanı
- Avgustnıñ 1, işğalci Qaradeñiz flotnıñ fregatı Rusiye ADF “Admiral Essen” işğal etilgen Qırımnıñ limanları yañında toplar atışlarnı keçirdi. Atışlarnı körümsiz liman nişanlar boyunca işlgen ediler.
- Avgustnıñ 30, işğal etilgen Aqyarda işğalci TH, ukrain arbiy istihbaratına çalışqan, RF Qara deñiz flotınıñ arbiy hadimni tuttı. “Mahkmeme” onı endi tevqif etken.
- İşğalci ordular, iyülniñ 19, ordularnıñ cenk azırlığına apansız teşkerüvi sebebinden kater yardımı ile Keriç aqımındaki gemilerniñ areketini toqtattılar, ya aynen “Cenübiy ve Şimaliy-Kavkaz federal bölgelerniñ territoriyasında müim devlet obyektlerde qoruvnıñ pekitilüvi”.