Bunıñ aqqında NATO baş kâtibi Yens Stoltenberg, Brükseldeki nazirler körüşüvinden evel ilân etti, bildire “Avropa aqiqatı”.

“Moskvadan diplomatik quvetlerni devam etmege azırlığı aqqında eşitken edik, amma yerlerde başqa yerge iç bir çeküvini körmeymiz. Aksine, Rusiye arbiy arttıruvını devam etkenine oşay”, - dedi Stoltenberg.

Daa şunı qoştı ki, tünevin Moskvadan yanğırağan bildirüvler itinalı optimizm içün delillerni alıp bereler, çünki o diplomatiya aqqında beyanatı edi. 

Tafsilâtlıca oquñız: RF, arbiylerni daimiy bulunğan yerine qaytarğanını ilân etti

“Amma bunen beraber, rusiye quvetlerniñ başqa yerge çeküvini körmeymiz. Ve o, diplomatik quvetleri aqqında arizalarına uymay. Rusiye çeküvi kerçekten de olacaqmı dep körmesi lâzim, Ukraina etrafında vaziyetini diqqatnen közetemiz. Ve arbiylerniñ qısmını arttırğanlarını köremiz, başqa yerge çeküvi daa yoq”, - qayd etti Stoltenberg. 

Qara qış aynıñ 26 yollanılğan yazılı tekliflerge RF’dan cevaplarını NATO’da daa almağanlarını daa bir kere hatırlattı.  

“Rusiyenen oturıp müzakere etmege azırmız dep olarğa beyanatnı tekrarlamağa isteymiz. Amma bunen beraber eñ fena neticesine azırlanamız. Ve Rusiye, Ukrainağa kene de ücüm etse, büyük fiyatını öder. Ukrainağa qarşı tecavuziy areketlerniñ keçirilmesini zorlaştırmaq içün RF planlarını ve areketlerini belli etmege devam etecegimiz”, - dedi baş kâtibi. 

Tafsilâtlıca oquñız: Rusiye, işğal etilgen Qırımdan arbiylerniñ qısmınıñ çıqaruvı aqqında ilân etti

Stoltenberg, Rusiye müzakerege qoşulacaq ve cebeleşüv yerine diplomatiyanı seçecek dep işançını bildirdi. 

Belli olğanı 

• AQŞ Global Hawk  Ukraina ve Qara deñız astında monitoring keçirdi.
• Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
• Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey.Bunıñ aqqında mudafaa naziri Aleksey Reznikov, brifingde tarif etti.

Bizni Telegram’da oquñız