Bunıñ aqqında “Qırım birdemligi” bildire. 

Yesipenkonı granata patlayıcısınıñ satın aluvı ve saqlanuvında qabaatlaylar. Tahqiqatnıñ versiyasına köre, sozucını pekitip özünen maşnada alıp bara edi. 

Tafsilâtlıca oquñız: Qırımdaki işğal makemesi, işkenceler sebebinden Yesipenkoğa cinaiy davanıñ açılmasını red etti

Yesipenko, öz qabaatını red etip granatanı oña FTH hadimleri tintüv vaqtında qoyğanlarında inandıra. Tevqiften soñ ise - şaatlıqnı istep çekiştire ediler.  

Siyasiy mabusınıñ ükümine insan aqları boyunca Yuqarı Şurasınıñ vekâletli olğan Lüdmila Denisova cevap bergen. 

“ “Aqmescit rayon makemesiniñ” qararını mahküm etem, çünki Ukraina vatandaşına dair bütün qabaatlavlar uydurılğan ve olarnıñ siyasiy esası bar, cinaiy davası ise - sahtelengen. Vladislav Yesipenkoğa ükümi, mustaqil jurnalistlerniñ qorqutuv, vaqtınca işğal etilgen Qırımda fikir etüv serbestlik bozuluvınıñ misali ve işğalcı devletinen ukrain vatandaşlarnıñ basqılar ve taqip etüv siyasetiniñ daa bir tasdığı ola”, - qayd etti Denisova. 

Belli olğanı 

• İlk qış aynıñ 13 Qırımdaki işğal makemesi, “prokurornıñ” şefaatı boyunca saban aynıñ 18 qadar üç ayğa patlayıcınıñ işlep çıqarılmasınfa qabaatlanılğan jurnalisti Vladislav Yesipenkonıñ tevqif müddetini uzattı. 
• 2021 senesi saban ayınıñ 16-nda Qırımda FSB tarafından ükrin yaqalanıldı. Soñra, bu Azatlıq Radiosınıñ jurnalisti olğanı belli oldı.Vladislav Yevsipenko, Rusiye Cinaiy kodeksiniñ 223-1 m. 1 q. (nariye silâsınıñ qanunsız tarzda işlep çıqaruvı, işlevi ve tamir etüvi ve arbiy yedeklerniñ qanunsız tarzda işlep çıqaruvı) köre mahküm eteler.
• Arman ayı Vladislav Yesipenkonıñ ömür arqadaşı haber etti ki, azaplardan soñ adamnıñ siydik-taş hastalığı kerginleşti. Tevqıfhanede oña kerekli tibbiy yardımını etmeyder, bu sebepten oñı acele tibbiy yardım maşnasınnen grajdan hastahanesine alıp ketken ediler.
• Aqmesjitteki işğal rayon makemesi, Azatlıq Radiosınıñ (Qırım.Aqiqat leyhası) frilanseri Vladislav Yesipenkonıñ tevqifini daa 6 ayğa uzattı.
• Esipenko mudafaası onıñ qanunsız apisnıñ devirini azlaştırmağa niyet ete.
• Amnesty International Ukraine, Vladislav Yesipenkonı azat etmege talabınen istidanameni imzalamağa çağırdı.

Bizni Telegram’da oquñız