Bunıñ aqqında o, Birleşüv kününe bağışlanğan telemarafonı vaqtında atqan. 

Qayd etkeni kibi, Rusiyenen başlanılğan ücümi, dünyada Ukrainanıñ aqiqiy dostı kim olğanını kösterdi. 

“Donbassta, Qırımdaki territoriyalarımıznı serbest etmegence, Rusiye, Ukrainağa ketirgen zararını ödemegence, toqtamaycağımız. O, ğalebemizge qadar sürecek olğan ceryanıdır”, - dedi Kuleba. 

TİN başı qayd etkeni kibi, RF, ilerideki tecavuzını yapmağa başlasa, Ukrainanıñ ortaqları oña sanktsıyalarnıñ ağır paketini azırladılar.

Tafsilâtlıca oquñız: Ukraina, tecavuzcı devletinen öz başına qalmaz - Kuleba

“Rusiye, silâlı ücümini yapsa, sanktsıyalar, 2014 seneden beri daa olmağan sanktsıyalarnıñ eñ ağır paketi, işlep çıqarılğan ve amelge keçirilmesi içün azır”, - qayd etti Dmitriy Kuleba.

Bundan da ğayrı, qayd etkeni kibi, silânıñ biñlerce tonnası, Ukrainanıñ dostlar ve ortaqlardan keldi.

Tafsilâtalıca oquñız: RF, arbiylerni daimiy bulunğan yerine qaytarğanını ilân etti

“Bugün ortaqlarımızdan Rusiyeni ögge ketmek ögüne onı üç kere tüşündirecek olğan eñ zemaneviy, eñ semereli silânı aldıq. Çünki olar içün telefler qorqunçlı olacaqlar”, - yekün çekti tışqı işler naziri. 

Belli olğanı 

• MTMŞ kâtibi Aleksey Danilov ilân etkeni kibi, şimdi Ukrainadaki vaziyeti közetile ve uvut aynıñ 16-17 Ukrainağa Rusiyeniñ ücüm telükesi yoq. 
• Ukraina silâlı quvetlerniñ baş reberi Valeriy Zalujnıy qayd etkeni kibi, Ukraina şimdi vaqtınca işğal etilgen Qırım ve vaqtınca işğal etilgen Donetsk ve Lugansk vilâyetlerinde territoriyalarnıñ qaytaruvı boyunca arbiy ameliyatlarnı planlaştırmay. 
• Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey.Bunıñ aqqında mudafaa naziri Aleksey Reznikov, brifingde tarif etti.

Bizni Telegram’da oquñız