Bunıñ aqqında Qırım Muhtar Cumhuriyet ve Aqyar prokuraturası bildire. 

2014 senesinden itibaren 59 bozucı gemisi tevqif etilgen. 

Qayd etilgeni kibi, 2014 senesi oraq ayından beri Ukraina, işğal etilgen Qırımda bütün limanlarnıñ işini toqtattı, yarımada limanları halqara gemileri içün qapalı olalar. Lâkin ecnebiy gemilerniñ bazıları, qanunnı bozıp, Qırımğa kireler. Buna köre, vaqtınca işğal etilgen territoriyasına kirüv ve ondan çıquv intizamınıñ bozuluv aqiqatları boyunca cinaiy davası tahqiq etile. 

Tafsilâtlıca oquñız: Hersondaki mahkeme işğal etilgen Qırımğa qanunsız uçuşlar sebebinden 14 rus uçağına apis çıqardı

“Vaqtınca işğal etilgen yarımadasınıñ qapalı deñiz limanlarına ecnebiy bayraqlarınen gemilerniñ kirüvini muhtariyetiniñ uquqiy organları Ukrainanıñ suverenitetini bozğan ve milliy qanundaki qaidelerini bozğan areketleri kibi sayalar, o ise - gemi saipler, operatorlar ve gemi kapitanlarnıñ cinaiy mesuliyetligine ketire”, - denile beyanatta. 

Belli olğanı 

• Qırımnıñ rusiye işğalinden soñ Ukraina astyapı nazirligi, “Deñiz limanlarınıñ qapatuvı aqqında” (2014 senesi kiraz aynıñ 16’dan) emirni çıqardı, olarğa Keriç, Aqyar, Kefe, Yalta ve Kezlev deñiz limanlarına kirmege yasaq etti. Bu yasağını bozğan gemi saipleri ve gemi kapitanlarını ciddiy sanktsıyaları bekley, olarnıñ arasında - para cöremesi ve tevqif. 

Bizni Telegram’da oquñız