RF devlet duması, “L/DHC” degenlerniñ mustaqiliginiñ tanıması aqqında muracaatını qabul etti

Присяжнюк Владислава
·
12:49, 15 Kiçikay
RF devlet duması, “L/DHC” degenlerniñ mustaqiliginiñ tanıması aqqında muracaatını qabul etti
Foto menbası: ТАСС

Rusiye Devlet dumasınıñ deputatları “LHC” ve “DHC” tanıması aqqında Vladimir Pıtinge muracaatına qol tuttılar.

Qararnı parlamentniñ umumiy oturışı vaqtında qabul ettiler, bildire TASS. 

Qararğa 351 deputat qol tutqan. 16 deputat qarşı çıqtı. Tek biri bitaraf qaldı. Qayd etilgeni kibi, Devlet duması, vesiqanı deral imzalap Putinge muracaatnı yollar.

Deputatlar öz özüni ilân etken “L/DHC” tanımasını “esaslı ve ahlâq ceetinden doğru” dep sayalar. Bundan da ğayrı, muracaat metininde “cumhuriyetlerniñ” işğal akimiyetini “qanuniy” dep adladılar. 

Ukraina TİN başı Dmitriy Kuleba, Rusiye “L/DHC” tanısa ne olacağı aqqında tarif etti. Onıñ sözlerine köre, o, minsk añlaşmalarından çıqacağı manasına kele. 

“Ukrainanıñ deñişmez mevamını daa bir kere hatırlatmağa isteyim”, Rusiye, aqiqaten ve uquqiy tarzda minsk añlaşmalarından çıqacaq”, - dedi o.

Bizni Telegram’da oquñız