Bunıñ aqqında RF Mudafaa nazirliginiñ resmiy vekili, general-mayor İgor Konaşenkov ilân etti, bildire TASS. 

Qayd etilgeni kibi, rusiye arbiyleri oqutuvlarnıñ bitüvinden soñ daimiy bulunğan yerlerine qaytacaqlar, Cenübiy ve Ğarbiy arbiy bölgelerniñ bölükleri naqliyatqa yüklenüvini endi başladılar ve salı künü yolğa çıqacaqlar. 

“Cenkâver azırlanuvınıñ tedbirlerniñ bitüvine köre, arbiyler, ep olğanı kibi, daimiy bulunğan noqtalarına qarışıq usulı ile yürüşlerni yapacaqlar. Vazifelerni eda etken Cenübiy ve Ğarbiy arbiy bölgelerniñ bölükler demiryol ve avtomobil naqliyatına yüklenüvini başladılar ve bugün öz arbiy garnizonlarına areketini başlaycaqlar”, - denile arizada. 

Belli olğanı 

• AQŞ Global Hawk  Ukraina ve Qara deñız astında monitoring keçirdi.
• Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
• Ukraina silâlı quvetlerniñ baş reberi Valeriy Zalujnıy qayd etkeni kibi, Ukraina şimdi vaqtınca işğal etilgen Qırım ve vaqtınca işğal etilgen Donetsk ve Lugansk vilâyetlerinde territoriyalarnıñ qaytaruvı boyunca arbiy ameliyatlarnı planlaştırmay. 
• Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey.Bunıñ aqqında mudafaa naziri Aleksey Reznikov, brifingde tarif etti.

Bizni Telegram’da oquñız