İşğal etilgen Qırımda rusiye arbiyleri TARS qullanuvı ile atışlarnı keçirdiler
İşğal etilgen Qırımda Opuk poligonında rusiye arbiyleri “Grad” ve “Uragan” top ateşiniñ reaktiv sistemalarnıñ qullanuvı ile top atışlarnı keçirdiler.
Bunıñ aqqında Rusiye Mudafaa nazirliginiñ matbuat hızmeti bildire.
“Atış, 30 km ziyade mesafesinde faraziy duşmanınıñ artilleriyasını taqlit etken nişanlarına köre keçirile edi. O ise - cevap olaraq yapılacaq uruşnıñ telükesiz yoq oluvını temin etken. Cenkâver atışlarnıñ keçirilüv vaqtında topçular yekâne ve zğmreleştirilgen nişanlarnı, faraziy duşmanınıñ zümreleştirilgen noqtalarnı urdılar”, - denile beyanatta.
Tafsilâtlıca oquñız: Rus tanklar işgal etilgen Qırımnın mesken yerlerinnen yürip, yerli sakinlerini qorquzalar
Qayd etilgeni kibi, bu oqutuvlar “AQM arbiy korpusınıñ raketalı orduları ve artilleriya bölüklerniñ planlaştırılğan köçüci çıqışınıñ” çerçivelerinde keçtiler.
Belli olğanı
- Ukraina bazarertesi künden başlap uvut aynıñ 14, avia kompaniyalarına Qara deñiz üzerinde uçmayıp şimdiki vaziyetini esapqa alıp optimal yollarnı evelden planlaştırmağa tevsiye ete.
- AQŞ Global Hawk Ukraina ve Qara deñız astında monitoring keçirdi.
- Maxar amerikalı kompaniya yañı yoldaş resimlerini ptı. Olar Ukraina sınırlarnıñ yanında, işğal etilgen Qırımda ve Belorusiyede Rusiye ordularnıñ çoqlaşuvını tasdıqlaylar.
- Uvut aynıñ 11 Rusiye QF Qırım ADB’da baza noqtalarnıñ suvastı-diversiyalı mudafaası boyunca kompleksli idmanı keçirilgen.
- Uvut aynıñ 11 Qırımdaki işğalcılar “Bastion” raketalı yalı komplekslerinen oqutuvlarnı keçirdiler.
- Uvut aynıñ 6 işğal etilgen Qırımda uçaqsız uçuv aletleriniñ qullanuvınen rusiye arbiyleriniñ oqutuvları keçken.
Bizni Telegram’da oquñız